മണ്ടന്‍ പോലീസ്

ഏവർക്കും സ്നേഹം നിറഞ്ഞ ക്രിസ്തുമസ്സ് ആശംസകൾ

2011-12-24T06:49:00.000-08:00

കോമൺ വെൽത്ത് ഷെയിം

2010-09-28T13:37:00.000-07:00

ഓരോ ദിവസവും വന്നുകൊണ്ടിരിക്കുന്ന പുത്തൻ പുത്തൻ ഗൈയിംസ് വാർത്തകൾ ഓരോ ഇൻഡ്യക്കാരന്റെയും അഭിമാനം വാനോളം ഉയർത്തുകയാണ്. ഒടുവിലായി പാമ്പ് പിടുത്തം കൂടി മത്സര ഇനമായി ചേർക്കാൻ കമ്മിറ്റി തീരുമാനിച്ചിരിക്കുന്നു

ഇതുവരെ നടന്ന എല്ലാ മത്സരങ്ങളിലും മുഴുവൻ സ്വർണ്ണവും തൂത്ത് വാരി ഇൻഡ്യ കുതിക്കുകയാണ്..

ലോകത്തിന്റെ മുന്നിൽ തങ്ങളുടെ തനി സ്വഭാവം ഇതാണെന്ന് കാണിക്കാൻ സഹായിച്ച ഇതിന്റെ സംഘാടകരെ എത്ര അഭിനന്ദിച്ചാ‍ലും അധികമാകില്ല. ഇതാണ് ലോകരേ യധാർത്ഥ ഇൻഡ്യ. നാണക്കേടിന്റെ ഇൻഡ്യ. അഴിമതിയുടെ ഇൻഡ്യ. കെടുകാര്യസ്ഥതയുടെ ഇൻഡ്യ. 2003 നവംബറിൽ കോമൺ വെൽത്ത് ഗെയിംസ് നടത്താൻ ഇൻഡ്യക്ക് നറുക്ക് വീണപ്പോൾ മുതൽ ഇതിന്റെ പേരിൽ കോടികൾ മുടക്കിയുള്ള വിദേശ പര്യടനങ്ങൾ. 5 വർഷത്തെ പര്യടനങ്ങളും വിശദമായ പഠനങ്ങളും കഴിഞ്ഞ് പണി തുടങ്ങിയത് 2 വർഷം മുൻപ്. ഇനി ഒരു രണ്ട് വർഷം കൂടി കഴിഞ്ഞാലും പണികൾ ബാക്കി. ഇതിന് വേണ്ടി രാവിലെ 6മണി മുതൽ വൈകിട്ട് 6 മണി വരെ കഴുതകളേപ്പോലെ പണിയെടുക്കുന്ന തൊഴിലാളികളുടെ ഒരു ദിവസത്തെ വേതനം 75 ഇൻഡ്യൻ രൂപ. ഈ ഗെയിസിന് വേണ്ടി വരുന്ന മുതൽ മുടക്ക് 1.5 ബില്ല്യൺ പൌണ്ട്. ആയിരക്കണക്കിന് കോടികളിൽ സിംഹ ഭാഗവും പോകുന്നത് രാഷ്ട്രീയക്കാരുടേയും ഉദ്യോഗസ്ഥരുടേയും പോക്കറ്റുകളിലേക്ക്. പ്രാഥമിക സൌകര്യങ്ങൾ പോലും ഇല്ലാതെ പണിയെടുക്കുന്ന ആയിരക്കണക്കിന് തൊഴിലാളികളിൽ 45 പേർ ഇത് വരെ അപകടങ്ങളിൽ മരിച്ചുവെന്ന് സർക്കാർ കണക്ക്. ഇൻഡ്യക്കാരന്റെ “വേറിട്ട വൃത്തിയിൽ” അസുഖം ബാധിച്ച് മരിച്ചവർ ഇതിലും എത്രയോ മടങ്ങ്. ഇൻഡ്യ വളരുകയാണെന്ന് കണക്കുകളിൽ. പക്ഷേ ഒരു ഇൻഡ്യക്കാരൻ എവിടെ നിൽക്കുന്നു എന്ന് ലോകത്തെ അറിയിക്കാൻ ഈ കോമൺ വെൽത്ത് കൊണ്ട് നമുക്ക് സാധിച്ചല്ലോ. അഭിമാനിക്കൂ ഇൻഡ്യാ, അഭിമാനിക്കൂ.

മാവേലിയും ഓണവും പിന്നെ ഞാനും

2010-08-22T11:07:00.000-07:00

“മാവേലി നാടു വാണീടും കാലം, മാനുഷരെല്ലാരും ഒന്നുപോലെ”
ഇതാണ് ഓണത്തിന്റെ അന്ത:സത്ത. ഈ വരികൾ ഒന്നിരുത്തി വായിച്ചാൽ ഒരു വിരോധാഭാസം നമുക്ക് കാണാം. മാവേലി നാട് ഭരിക്കുന്നു. പ്രജകൾ ഭരിക്കപ്പെടുന്നു. അപ്പോൾ ഇതിനിടയിൽ ഭരണം നടപ്പാക്കാൻ തീർച്ചയായും കുറേ ഭരണകർത്താക്കളും കാണും. ഇവിടെ തന്നെ ജനം മൂന്ന് തട്ടിലാണ്. അപ്പോൾ അവിടെ തീർച്ചയായും അസംതൃപ്തിയും,അടിച്ചമർത്തലും, അസ്വാതന്ത്ര്യവും എല്ലാം കാണും. അപ്പോൾ എങ്ങിനെ ഏവരും ആമോദത്തോടെ ഒന്നായി കഴിയും. അങ്ങിനെ നോക്കിയാൽ ഏവരുമൊന്നായി കഴിഞ്ഞിരുന്ന ഒരു കാലം ഉണ്ടായിരുന്നില്ലെന്ന് വേണം കരുതാൻ.
ഇതെല്ലാം ഏവരും സമന്മാരായി സന്തോഷത്തോടെ വസിക്കുന്ന ഒരു നല്ല കാലം സ്വപ്നം കണ്ട അടിച്ചമർത്തപ്പെട്ട നമ്മുടെ പൂർവ്വികരുടെ ഒരു വലിയ ആഗ്രഹം മാത്രമായി മാത്രമേ കാണാൻ പറ്റൂ. ഒരു മരീചിക പോലെ അനുനിമിഷം അകന്നുകൊണ്ടിരിക്കുന്ന ഒരിക്കലും സഫലമാകാത്ത ഒരു സുന്ദര സ്വപ്നം.

എങ്കിൽ പിന്നെ ഈ ഓണവും മാവേലിയും മഹാബലിയും ഒക്കെ എന്താണ്? ഇവിടെയാണ് നമ്മുടെ പ്രസക്തി. ഈ മാവേലിയും മഹബലിയുമൊക്കെ നാം തന്നെയായാൽ ഇവിടെ ഓണം പുലരും. അതെങ്ങിനെ നമുക്ക് മാവേലിയാകാൻ പറ്റും? തീർച്ചയായും നാം മനസ്സുവച്ചാൽ നമുക്കതിന് കഴിയും. മരച്ചില്ലയിൽ കൊക്കുരുമ്മി രസിക്കുന്ന ഇണക്കിളികളെ അമ്പെയ്യാൻ ഓങ്ങി നിൽക്കുന്ന വേടനോട് കവി പറയുന്നു “മാ നിഷാദ”. സംസ്കൃതത്തിൽ ‘മാ‘ എന്നാൽ അരുത്. ‘നിഷാദം’ കാട്ടാളൻ അല്ലെങ്കിൽ വേടൻ. ‘അരുത് കാട്ടാളാ’ എന്നർത്ഥം. അപ്പോൾ മാ വേലി എന്നാൽ ‘വേലി’ അല്ലെങ്കിൽ ‘മതിലുകൾ അരുത്’ എന്നർത്ഥം. ഏത് മതിലുകൾ? നമ്മുടെ മനസ്സിലും, ചിന്തയിലും, പ്രവർത്തിയിലുള്ള മതിലുകൾ. ഉത്തമനും അധ:മനുമെന്ന, പണ്ഡിതനും പാമരനുമെന്ന, കുചേലനും കുബേരനുമെന്ന, കറുത്തവനും വെളുത്തവനുമെന്ന മതിലൂകൾ, ജാതി മത വർഗ്ഗ വർണ്ണ മതിലുകൾ. ഇവ ഇല്ലാതായാൽ എല്ലാം നമുക്ക് നേടാം. ഈ ലോകത്തെ സമസ്ത ജീവ ജാലങ്ങൾക്കും അതിന്റേതായ കഴിവും കർത്തവ്യവുമുണ്ട്. ഒരു തേനീച്ചക്ക് സാധിക്കുന്നത് ഒരു ആനക്ക് സാധിക്കില്ല. ഒരു മിന്നാമിനുങ്ങിന് സാധിക്കുന്നത് ഉഗ്രപ്രതാപികളെന്ന് നടിക്കുന്ന നമുക്ക് സാധിക്കുമോ? അപ്പോൾ നാം എല്ലാത്തിനേയും എല്ലാവരേയും അംഗീകരിക്കണം. അതിന് നാം എന്ത് ചെയ്യണം? നാം മഹാബലിയാകണം. എങ്ങിനെ? നമ്മുടെ ആഗ്രഹങ്ങൾ അത്യാഗ്രഹങ്ങൾ, ഇഷ്ടങ്ങൾ അനിഷ്ടങ്ങൾ, പ്രവർത്തികൾ തുടങ്ങി എല്ലാം നാം മറ്റുള്ളവർക്ക് വേണ്ടി ബലികഴിച്ചാൽ നാം മഹാബലിയായി. മറ്റുള്ളവരുടെ സന്തോഷത്തിനായി നമ്മുടെ സന്തോഷങ്ങൾ ബലികഴിക്കുക. ഇങ്ങിനെ ഓരോരുത്തരും പ്രവർത്തിച്ചാൽ, ഇത്തരം നല്ല ചിന്തകൾ നമ്മെ ഭരിച്ചാൽ നമ്മുടെ പൂർവ്വികർ കണ്ട ഓണം എന്ന ആ മഹത് സ്വപ്നം പൂവണിയും.
ഏവർക്കും തിരുവോണാശംസകൾ ...

ഈസ്റ്റർ വിചാരം

2010-04-03T10:08:00.000-07:00

മനുഷ്യൻ മൃഗത്തിൽ നിന്നും പരിണാമം സംഭവിച്ചുണ്ടായതാണെന്ന് ശാസ്ത്രവും, അതല്ല ദൈവത്തിന്റെ സൃഷ്ടിയാണെന്ന് മതങ്ങളും വാദിക്കുമ്പോഴും ഒരു കാര്യം അടിവരയിട്ടുറപ്പിക്കാതെ വയ്യ. മനുഷ്യന്റെ മൃഗീയതക്ക് മനുഷ്യോൽ‌പ്പത്തിയോളം തന്നെ പഴക്കമുണ്ട്. ക്രൈസ്തവ വിശ്വാസമനുസരിച്ച് ആദം ആണ് ആദ്യത്തെ മനുഷ്യൻ. പിന്നീട് ഹവ്വയും അവർക്ക് ആബേലും കായേനും എന്ന് രണ്ടു മക്കളും ഉണ്ടായിരുന്നതായി ബൈബിൾ പറയുന്നു. കായേൻ സ്വന്തം സഹോദരനായ ആബേലിനെ കൊല്ലുന്നതിലൂടെ മൃഗീയതയുടെ മനുഷ്യരൂപം ലോകം ആദ്യം കാണുന്നു. പിന്നീടിങ്ങോട്ട് മൃഗീയതയുടെ എല്ലാ സ്വഭാവ സവിശേഷതകളും പഴയ നിയമം തുറന്നാൽ കാണാൻ കഴിയുന്നുണ്ട്. കൊല്ലും കൊലയും മാത്രമല്ല മൃഗങ്ങളേപ്പോലും നാണിപ്പിക്കുന്ന അതിക്രമങ്ങൾ, കുത്തഴിഞ്ഞ ലൈംഗികത, സ്വവരഗ്ഗ രതി,പീഠനങ്ങൾ , ചതി, വഞ്ചന, അടിമത്ത്വം, വർഗ്ഗീയത, അങ്ങിനെ പലതും. കാലങ്ങൾ മാറി, സാവധാനം മനുഷ്യൻ മാറുകയും മാനുഷിക മൂല്യങ്ങൾക്ക് വിലകൽ‌പ്പിച്ച ഒരു നല്ല കാലഘട്ടത്തിലൂടെ കടന്ന് പോവുകയും ചെയ്തു. കാലചക്രം പിന്നേയും തിരിഞ്ഞു കൊണ്ടിരുന്നു. ഒരു പകലിന് ഒരു രാത്രി, ഒരു കയറ്റത്തിന് ഒരിറക്കം, ഒരു സുഖത്തിന് ഒരു ദുഃഖം.ഇതാണല്ലോ പ്രകൃതി നിയമം. ഇത് തന്നെ വീണ്ടും ആവർത്തിക്കപ്പെടും. മൃഗത്തിൽ നിന്നും മനുഷ്യനിലേക്കും വീണ്ടും മൃഗത്തിലേക്കുമുള്ള ആ വൃത്തം ഇപ്പോൾ ഏകദേശം പൂർത്തിയായിക്കോണ്ടിരിക്കുകയാണ്. മൃഗങ്ങൾക്ക് പ്രതികരണ ശേഷിയുണ്ടായിരുന്നെങ്കിൽ മൃഗത്തിൽ നിന്നുമാണ് മനുഷ്യൻ ഉണ്ടായതെന്ന ശാസ്ത്ര വാദത്തിനെതിരെ അവർ മാന നഷ്ടത്തിന് കേസ്സുകൊടുക്കുമായിരുന്നു. മൃഗങ്ങളേപ്പോലും നാണിപ്പിക്കുന്ന പ്രവർത്തികളിലേക്ക് അത്രമാത്രം മനുഷ്യൻ അധഃപതിച്ചു കഴിഞ്ഞു. സമകാലിക ലോക സംഭവങ്ങളിലൂടെ കണ്ണോടിച്ചാൽ നമ്മേക്കാൾ ഭേദം മൃഗങ്ങളാണെന്ന് കാണാം. മൃഗത്തിൽ നിന്നും മനുഷ്യനിലൂടെ സഞ്ചരിച്ച് വീണ്ടും മൃഗത്തിലേക്കുള്ള യാത്രയിലാണ് ഇന്ന് മനുഷ്യൻ. മനുഷ്യനും (Man) മൃഗവും (Animal ) തമ്മിൽ ഒരു M ന്റെ വ്യത്യാസമേയുള്ളൂ. Animal ന്റെ മുൻപിൽ ഒരു M ചേർത്താൽ Man-imal ആയി. മനുഷ്യമൃഗം. പ്രകൃതിയും മനുഷ്യനും തമ്മിലുള്ള പൊക്കിൾകുടി ബന്ധം നാം അറുത്തുമാറ്റി. ജീവിതം ഒരു യന്ത്രത്തിന് തുല്യമാക്കി. ജനിച്ച് വീഴുന്ന കുട്ടികൾ മനുഷ്യനെ സ്നേഹിക്കുന്നതിനേക്കാൾ യന്ത്രത്തെ സ്നേഹിക്കുന്നു. അമ്മയുടെ താരാട്ടിന് പകരം അവൻ സ്റ്റീരിയോയിലെ ഘോര സംഗീതം കേട്ടുണരുന്നു, ഉറങ്ങുന്നൂ. മണ്ണിൽ കളിക്കുന്നതിന് പകരം സെക്സും, വയലൻസും നിറഞ്ഞ കമ്പ്യൂട്ടർ ഗെയിമുകൾ കളിച്ചു വളരുന്നു. നാലു ചുമരുകൾക്കുള്ളിൽ തളക്കപ്പെട്ട് യന്ത്രങ്ങളോടൊപ്പം വളരുന്ന അവനിൽ സ്നേഹം,ദയ, കാരുണ്യം തുടങ്ങിയ നല്ല വികാരങ്ങൾ കണ്ടില്ലെങ്കിൽ നാം ആരെ കുറ്റം പറയും. ഇവിടെ ബന്ധങ്ങളില്ല, സ്വന്തങ്ങളില്ലാ, സഹോദരനും സഹോദരിയും അച്ഛനും അമ്മയുമില്ല. എല്ലാം ഉപയോഗിച്ച് വലിച്ചെറിയാവുന്ന പലതരം ഗെയിമുകൾ മാത്രം. അപ്പോൾ മൃഗവും മനുഷ്യനും തമ്മിലുള്ള അന്തരം കുറയുന്നു. സ്വന്തം സുഖമാണ് പരമ പ്രധാനം എന്ന് ഏവരും കരുതുന്നു. സാമൂഹിക പ്രതിബദ്ധതയില്ലാതെ വളരുന്ന യുവത്വം ടോയ്ലറ്റിലൊളിപ്പിച്ച ക്യാമറയിൽ സ്വന്തം സഹോദരിയുടെ നഗ്നത കണ്ട് സായൂജ്യമടയുന്നു. സ്വന്തം വീട്ടിലെ ബെഡ് റൂമിൽ ധൈര്യമായി ഉറങ്ങാൻ മാതാപിതാക്കൾ വരെ പേടിക്കേണ്ടിയിരിക്കുന്നു. അച്ഛനും മകളും തമ്മിൽ, അമ്മയും മകനും തമ്മിൽ, സഹോദരനും സഹോദരിയും തമ്മിൽ, ഗുരുവും ശിഷ്യരും തമ്മിൽ അവിശുദ്ധ ബന്ധങ്ങൾ. ആരോപണങ്ങൾ അങ്ങ് വത്തിക്കാനിൽ വരെ എത്തി നിൽക്കുന്നു. നരകാഗ്നിയിലേക്ക് ഒരു ശലഭത്തേപ്പോലെ പറന്നടുക്കുന്ന ലോകം. ഈ മൂല്യച്യുതിയല്ലേ ഇന്ന് നാം അനുഭവിക്കുന്ന ഈ അശാന്തിക്കെല്ലാം കാരണം. ആര് ആരെ കുറ്റം പറയും? നാം തന്നെയല്ലേ ഇതിനെല്ലാം കാരണക്കാർ. എല്ലാം എന്റെ പിഴ തന്നെ. എങ്ങും നടമാടുന്ന തിന്മകൾ. സർവ്വ നാശത്തിലേക്കുള്ള ഈ കുതിപ്പാ‍ണോ പുരോഗതി എന്ന് നാം ഘോരഘോരം വിളിച്ചു കൂവുന്നത്. ഒരു കാര്യത്തിൽ നാം ഭാഗ്യവാന്മാരാണ്. നാശത്തിലേക്കുള്ള ആ ഓട്ടത്തിന്റെ ആദ്യപാദത്തിലാണ് നാമിപ്പോൾ. ഫിനിഷിംഗ് കാണാനുള്ള ആയുസ്സ് നമുക്കെന്തായാലും ഉണ്ടാകില്ല.. നമ്മുടെ അടുത്ത തലമുറകളുടെ കാര്യമാണ് ഏറെ കഷ്ടം. ഈ പോക്ക് പോയാൽ ഈ ലോകത്ത് ഇനി എത്ര തലമുറകൾ കൂടി ഉണ്ടാകും എന്ന് കണ്ടറിയണം. കളങ്കിതമായ ഈ ജനതയെ പുനരുദ്ധരിക്കാൻ ദൈവം ഇനിയും സ്വന്തം തിരുക്കുമാരനെ അയക്കുമോ? അതോ, മറ്റൊരു പ്രളയത്തിലൂടെ സർവ്വവും നശിപ്പിക്കുമോ? അങ്ങിനെ വന്നാൽ പെട്ടകത്തിലേറാൻ നമുക്ക് മറ്റൊരു നോഹിനെ കിട്ടുമോ? അങ്ങിനെ നമുക്ക് പ്രത്യാശിക്കാം. ഏവർക്കും പ്രത്യാശയുടെ ഉത്സവമായ ഈസ്റ്ററിന്റെ ആശംസകൾ.

2009-12-31T09:31:00.000-08:00

എല്ലാർക്കും നന്മ നിറഞ്ഞ ക്രിസ്തുമസ്സ് ആശംസകൾ..

2009-12-24T09:56:00.000-08:00

“നീയല്ലോ സ്രുഷ്ടിയും സ്രുഷ്ടാ-
വായതും സ്രുഷ്ടിജാലവും
നീയല്ലോ ദൈവമേ സ്രുഷ്ടി-
ക്കുള്ള സാമഗ്രിയായതും“….(ശ്രീ.നാരായണ ഗുരു)
എല്ലാർക്കും നന്മ നിറഞ്ഞ ക്രിസ്തുമസ്സ് ആശംസകൾ..

എന്റെ ഓണച്ചിന്തകൾ

2009-09-01T12:28:00.000-07:00

ഓണം എന്നു കേൾക്കുമ്പോൾ നമ്മൾ മലയാളികളുടെ ഓർമ്മയിൽ ഓടിയെത്തുന്ന ചില ചിത്രങ്ങളുണ്ട്. കുളിച്ചു കുറിതൊട്ട്, വാലിട്ട് കണ്ണ് എഴുതി, ഈറൻ മുടിയിൽ മുല്ലപ്പൂവും ചൂടി ഓണപ്പുടവയുമുടുത്ത് നിൽക്കുന്ന ഒരു ഗ്രാമീണ മലയാളി പെൺകൊടിയുടെ ചിത്രം. മുറ്റത്തെ ചാണകം മെഴുകിയ തറയിൽ തീർത്ത പൂക്കളം, വിഭവ സമ്രുദ്ധമായ ഓണ സദ്യ. പിന്നെ കള്ളവും ചതിയുമില്ലാതിരുന്ന, ഏവരും സന്തോഷത്തോടെ വാണിരുന്ന ഒരു നല്ല കാലത്തിന്റെ നാടുവാഴിയായിരുന്ന മഹാബലി തമ്പുരാൻ. നമ്മിലേറെ പേർക്കും ഇത് വാമൊഴിയായും വരമൊഴിയായും എല്ലാം പകർന്നുകിട്ടിയ ചിത്രങ്ങളായിരിക്കും. നാം കണ്ടറിഞ്ഞതും, അനുഭവിച്ചറിഞ്ഞതും എല്ലാം പലപ്പോഴും ഇതിൽ നിന്നെല്ലാം വ്യത്യസ്തമായിരുന്നിരിക്കാം. എന്റെ ബാല്യത്തിൽ ഒരിക്കൽ പോലും ഓണത്തിന് ഒരു പുതിയ ഉടുപ്പ് എനിക്ക് കിട്ടിയതായി ഞാൻ ഓർക്കുന്നില്ല. അതുപോലെ അതി വിപുലമായ ഒരു ഓണ സദ്യയും. വീട്ടിൽ ഞാൻ മൂത്ത ആൺ തരിയായിരുന്നത് കൊണ്ട് പൂക്കളം തീർക്കാനും ആരുമുണ്ടായിരുന്നില്ല. ഓണത്തിന് സ്കൂളടക്കുമ്പോൾ പത്തു ദിവസം ചൂണ്ടയിടാൻ പോകാമല്ലോ എന്നുള്ളതുമാത്രമായിരുന്നു എന്റെ സന്തോഷം. പിന്നെ എന്റെ സുഹ്രുത്തുക്കളായ പ്രകാശനും, വേണുവും അവരുടെ സഹോദരിമാരും എല്ലാം പൂക്കൂടയും തോട്ടിയുമായി ഞങ്ങളുടെ പറമ്പുകളിലൂടെ പൂ പറിക്കാൻ വരുമ്പോൾ അവർക്ക് പൂ പറിച്ച് കൊടുക്കുക, രാവിലെ അവരുടെ വീടുകളിൽ പോയി പൂക്കളങ്ങൾ കാണുക, ഇതൊക്കെയാണ് എന്റെ ഓർമ്മയിലെ ഓണങ്ങൾ.
ഓണം മലയാളിയുടെ മനസ്സിന്റെ നന്മയെയാണ് കാണിക്കുന്നത്. നമ്മുടെ ആഗ്രഹങ്ങൾ, പ്രതീക്ഷകൾ, സങ്കൽപ്പങ്ങൾ…എല്ലാം അതിലുണ്ട്. ഓണം ഒരേ സമയം ഒരു യാഥാർത്ഥ്യവും ഒരു സങ്കല്പവുമാണ്. ഓണക്കോടിയും സമ്രുദ്ധമായ സദ്യയൂം ഒരു സങ്കല്പം മാത്രമായിരുന്ന ഒരു കാലഘട്ടത്തിൽ ജനങ്ങൾക്ക് സന്തോഷവും സമാധാനവും വേണ്ടുവോളം ഉണ്ടായിരുന്നു. കാണം വിറ്റും ഓണം ഉണ്ണണം, ഓണം വന്നാലും ഉണ്ണി പിറന്നാലും കോരന് കഞ്ഞി കുമ്പിളിൽ തെന്നെ, ഓണം ഉണ്ട വയറു പോലെ എന്നുള്ള ചൊല്ലുകളിൽ നിന്നും അന്നത്തെ മനുഷ്യന്റെ ഏറ്റവും പ്രധാന ആവശ്യം ഭകഷണമായിരുന്നു എന്ന് കാണാം. ഒരു പക്ഷേ നമ്മിൽ ചിലരുടെയെങ്കിലും ഓർമ്മയിൽ വരെ ഇതായിരുന്നു, ഇക്കാര്യം തന്നെയായിരുന്നു പ്രധാനം. കാലം മാറി. ഇന്ന് വസ്ത്രവും ഭക്ഷണവും എല്ലാം നമുക്ക് യാഥാർത്ഥ്യമായപ്പോൾ സമാധാനവും സന്തോഷവും ഒരു സങ്കൽപ്പം മാത്രമായി മാറുകയാണ്.
അശാന്തിയും അക്രമവും നിറഞ്ഞ ഈ കാലഘട്ടത്തിൽ ഓണത്തിന് പ്രസക്ത്തിയേറുകയാണ്. വളരെയേറെ അർത്ഥ തലങ്ങളുള്ള ഓണം ലോകത്തിന് കൊച്ചുകേരളത്തിന്റെ ഒരു മഹത് സംഭാവന തന്നെയാണെന്നാണ് എനിക്ക് തോന്നുന്നത്. ലോകത്തുള്ള സാർവ്വ ചരാചരങ്ങൾക്കും പ്രക്രുതിയിൽ തുല്യ അവകാശമാണെന്നും, ഒന്നും മറ്റൊന്നിനേക്കാൾ മെച്ചമോ മോശമോ അല്ലെന്നുമുള്ള ഒരു മനോഭാവം നമ്മിലുണ്ടായാൽ കള്ളവും ചതിയുമില്ലാത്ത, മാനുഷരെല്ലാരും ഒന്നായ ഒരു മാവേലി നാട് നമുക്ക് സ്രുഷ്ടിക്കാം.
എല്ലാവർക്കും നന്മ നിറഞ്ഞ ഓണാശംസകൾ….

ഓണപ്പാരടി

2009-08-18T00:51:00.000-07:00

ഇത് കഴിഞ്ഞ വർഷം ഓണത്തിന് ചെയ്ത ഒരു സ്കിറ്റിന്റെ ഒരു ഭാഗമാണ്. അതുകൊണ്ടുതന്നെ ചില വരികളെങ്കിലും കാലാനുസ്രുതമല്ലാത്തതായി തോന്നിയേക്കാം. മാവേലിയിൽ നിന്നും ഭരണം മന്ത്രിമാരിലേക്കെത്തിയപ്പോൾ ഉണ്ടായ ചില മാറ്റങ്ങൾ... “മാവേലി നാടു വാണീടും കാലം“ എന്ന രീതിയിൽ...

“മന്ത്രിമാർ നാടു വാണീടും കാലം..
മാലോകർക്കെല്ലാർക്കും കഷ്ടകാലം
വെള്ളവുമില്ലാ..കറന്റുമില്ലാ...കഞ്ഞി
വയ്ക്കുവാനായിട്ടരിയുമില്ലാ...

പച്ചക്കറീകൾ പഴവർഗ്ഗങ്ങൾ..
എല്ലാം തമിഴ് നാട്ടിൽ നിന്നു വേണം
ഉള്ള ക്രുഷി സ്ഥലമെല്ലാം നിങ്ങൾ
ഫ്ലാറ്റ് പണിയാൻ നികത്തിയില്ലേ?

നാട്ടിൽ പണികളതൊന്നുമില്ലാ
ഉള്ള പണിക്കാണേൽ ആളുമില്ലാ..
കൂലിപ്പണി ചെയ്യാൻ പാണ്ടികളും
നോക്കു കൂലി വാങ്ങാൻ പാർട്ടിക്കാരും

കള്ളത്തരവും വഞ്ചനയും
മുഖ്യ പണിയാക്കി മാറ്റി നിങ്ങൾ
ദൈവത്തേപ്പോലും വിലക്കു വിറ്റി-
ട്ടാത്മീയ വ്യാപാരം നടത്തീടുന്നു.

ഹിന്ദുവും ഇസ്ലാമും ക്രിസ്ത്യാനിയും
ഈ വ്യാപാരക്കാര്യത്തിൽ ഏകരല്ലോ

പീഢനമിന്നോരു വാർത്തയല്ലാ...
സ്വന്തം വീട്ടിനകത്തും രക്ഷയില്ലാ..
അഛൻ മകളെ വിറ്റിടുന്നൂ തുള്ളി
കള്ളു കുടിക്കുവാൻ കാശിനായി
കന്യാ മഠത്തിലും രക്ഷയില്ലാ
കാരുണ്യ വാരിധേ കാത്തിടേണേ..
ഈ കേരള നാടിനെ കൈവിടല്ലേ?

എല്ലാർക്കും ഓണാശംസകൾ.

മൂല്യ ശോഷണം

2009-05-23T01:53:00.000-07:00

കഴിഞ്ഞ ദിവസം ‘ബഹുമന്യനായ‘ ഒരു രാഷ്ട്രീയ നേതാവിന്റെ പ്രസംഗം കേട്ടപ്പോൾ സത്യത്തിൽ ചിരിക്കാതിരിക്കാൻ കഴിഞ്ഞില്ല. പ്രസംഗത്തിന്റെ ഉള്ളടക്കത്തിലേക്ക്. “ ഒരു സുപ്രഭാതത്തിൽ ഡെൽഹിയിൽ നിന്നും ഒരാൾ തിരുവനന്തപുരത്ത് വന്നിറങ്ങുന്നു. അയാൾ ലോകസഭയിലേക്ക് മത്സരിക്കുന്നു. ഒരുലക്ഷത്തിലധികം വോട്ടുകൾക്ക് വിജയിക്കുന്നു. എന്താണ് കാരണം?. കേരളത്തിലെ ജനങ്ങൾക്ക് “രാഷ്ട്രീയ മൂല്യ ശോഷണം” സംഭവിച്ചിരിക്കുന്നു.” എങ്ങിനെ ചിരിക്കാതിരിക്കും. ചുരുങ്ങിയത് ഒരു അഞ്ചാറു ബോംബേറും പിന്നെ ബസ്സു കത്തിക്കലും വടിവാളാക്രമണവും പോലീസ്സിനെ കല്ലെറിയലും നടത്താതെ രാഷ്ട്രീയത്തിലേക്ക് ടിക്കറ്റ് കൊടുക്കരുതെന്ന് ഒരു പുതിയ നിയമം ഉണ്ടാക്കേണ്ടിയിരിക്കുന്നു സഖാക്കളെ! മൂല്യ ശോഷണമല്ല, മറിച്ച് “മൂലധന”( Das Kapital )ത്തിനാണ് ശോഷണം സംഭവിച്ചിരിക്കുന്നത്. കേരളത്തിൽ മാത്രമല്ല. ലോകമെമ്പാടും. പുതിയ തന്ത്രങ്ങൾ എടുത്താലേ ഇനി ജീവിച്ചുപോകാൻ പറ്റൂ സഖാവേ. ലാൽ സലാം...

കോരനു കഞ്ഞി കുമ്പിളിൽ തന്നെ

2009-05-16T05:06:00.000-07:00

ആരു ജയിച്ചാലും കോരനു കഞ്ഞി കുമ്പിളിൽ തന്നെ. ഇക്കാര്യത്തിൽ ആർക്കും സംശയം ഉണ്ടാകുമെന്ന് തോന്നുന്നില്ല. ബി.ജെ.പി അധികാരത്തിൽ വരാതിരിക്കാൻ ജനങ്ങൾ കോൺഗ്രസ്സിനു വോട്ട് ചെയ്തതിനാലാണ് മാർക്സിസ്റ്റ് പാർട്ടി തോൽക്കാൻ കാരണം എന്ന് പാർട്ടി നേതാക്കൾ തുറന്ന് പറയുന്നത് കേൾക്കുമ്പോൾ പരോക്ഷമായി കോൺഗ്രസ്സാണ് യഥാർദ്ഥ മതേതര പാർട്ടി എന്ന മറ്റൊരുകാര്യം കൂടി അവർ സമ്മതിക്കുന്നു. മാർക്സിസ്റ്റ് പാർട്ടിയുടെ “വൈരുദ്ധ്യാത്മക ഭൌതിക വാദം“ ജനങ്ങൾ തിരിച്ചറിഞ്ഞിരിക്കുന്നു എന്നതായിരിക്കാം ഈ തോൽവിയുടെ കാരണം എന്ന് ഈ എളിയ എനിക്ക് തോന്നുന്നു. അവരുടെ വൈരുദ്ധ്യങ്ങളിലേക്ക് ഒന്നെത്തിനോക്കാം.
1.അഴിമതിക്കെതിരെ പോരാട്ടം.+ ഇപ്പോൾ അഴിമതിയിൽ മുങ്ങിയ മന്ത്രിമാരും നേതാക്കന്മാരും.

2.സ്ത്രീ പീഡനത്തിനെതിരെ പോരാട്ടം + സ്വന്തം മന്ത്രി മാർ തന്നെ പ്രതികൾ, അവരുടെ മക്കൾ പ്രതികൾ.

3.സാമ്രാജ്യത്വത്തിനെതിരെ പോരാട്ടം.+ വിദേശപണം രണ്ടു കയ്യും നീട്ടി സ്വീകരിക്കുന്നു.

4.സ്വകാര്യവൽക്കരണത്തിനെതിരെ പോരാട്ടം + സ്വകാര്യ വ്യക്തികളെയും സ്ഥാപനങ്ങളേയും പരസ്യമായി തന്നെ സ്വീകരിക്കുന്നു.

5.ലളിത ജീവിതം ലക്ഷ്യം + ആഡംബര ജീവിതം, ഖജനാവിലെ പണം വേണ്ടതിനും വേണ്ടാത്തതിനും ധൂർത്തടിക്കുന്നതിൽ മത്സരം

6.ജനങ്ങൾക്ക് സ്വൈര്യ ജീവിതവും സാമൂഹിക സുരക്ഷിതത്വവും. + എവിടെയും അക്രമവും, ഗുണ്ടായിസവും തെമ്മാടിത്തരവും മാത്രം.

7.ഏവർക്കും തുല്യ നീതി + പാർട്ടിക്കെതിരായി വിധി പറഞ്ഞാൽ സുപ്രീം കോടതിയേയും തെറി പറയുന്ന ധാർഷ്ട്യം.

8. വർഗ്ഗീയതക്കെതിരെ പോരാട്ടം + തീവ്ര വർഗ്ഗീയ പാർട്ടിയെ വരെ കൂട്ടു പിടിക്കുന്ന രീതി,( സി.പി.ഐ (മദനി) എന്ന രീതിയിലേക്കു പാർട്ടി അധ:പതിച്ചിരിക്കുന്നു).

പറയുന്നതും പ്രവർത്തിക്കുന്നതും തമ്മിലുള്ള ഈ വൈരുദ്ധ്യം ജനങ്ങൾ തിരിച്ചറിഞ്ഞിരിക്കുന്നു.

ഐശ്വര്യ

2009-04-14T01:09:00.001-07:00

പൂർണ്ണമായ വിഷു ദിനാശംസകൾ........

ഈ രക്തത്തിൽ എനിക്ക് പങ്കില്ല

2009-04-12T02:07:00.000-07:00

സൂക്ഷിച്ചുനോക്കൂ, രണ്ടായിരം വർഷങ്ങൾക്ക് മുൻപ് ദൈവപുത്രനെ ഒരു ചുംബനത്തിലൂടെ ഒറ്റുകൊടുത്ത ഈ ചുണ്ടുകൾ നമ്മുടെ ചുണ്ടുകൾ തന്നെയല്ലേ? അന്ന് യൂദാസിന് 30 വെള്ളിക്കാശ് കിട്ടി. അതു തീരെ മോശമല്ലാത്ത ഒരുതുകയുമായിരുന്നു. അതുകൊണ്ടാണല്ലോ കുശവന്റെ പറമ്പ് വാങ്ങിയത്. ഇന്ന് വെറും 3 ഓട്ടക്കാശിനു വേണ്ടി എത്രപേരെ വേണമെങ്കിലും ഒറ്റുകൊടുക്കാൻ സ്വന്തം രാജ്യത്തെ വരെ ഒറ്റുകൊടുക്കുവാൻ, നമുക്കു ചുറ്റും എത്രായിരം യൂദാസുമാർ.... .സത്യം ഇന്നും കുരിശിൽ കിടന്നു പിടയുന്നു... പീലത്തോസുമാർ അധികാരസിംഹാസനങ്ങളിൽ അള്ളിപ്പിടിച്ചിരുന്ന് പ്രസ്താവിക്കുന്നു..“ഈ രക്തത്തിൽ എനിക്കോ എന്റെ പാർട്ടിക്കോ പങ്കില്ലാ.....”. ദൈവമേ, ഞങ്ങൾ ചെയ്യുന്നതെന്തെന്ന് ഞങ്ങൾക്കറിയാം. എങ്കിലും ഞങ്ങളോട് പൊറുക്കേണമേ....

“ഏവർക്കും പുനരുദ്ധാനതിരുന്നാളിന്റെ ആശംസകൾ“

ഇന്നെന്റെ ദിനം

2009-03-31T11:44:00.000-07:00

അമ്മക്കൊരു ദിനം
അച്ഛനൊരു ദിനം
വ്രുദ്ധർക്കൊരു ദിനം
വികലാംഗർക്കൊരു ദിനം
അദ്ധ്യാപകർക്കും, കമിതാക്കൾക്കും,
തൊഴിലാളികൾക്കും വെവ്വേറെ ദിനം
ദിനങ്ങളോരോന്നായി പൊഴിഞ്ഞു വീഴുംബോഴും
ക്ഷമയോടെ ഞാൻ കാത്തിരുന്നു......
വരും എനിക്കും ഒരു ദിനം...
ഒടുവിൽ വന്നല്ലോ ആ ദിനം
ഇന്നല്ലോ ആ ദിനം.
അഖില ലോക വിഡ്ഡികളേ....
നിങ്ങൾക്കേവർക്കും
ഈ പമ്പര വിഡ്ഡിയുടെ
വിഡ്ഡിദിനാശംസകൾ.....
സസ്നേഹം,
മണ്ടൻ പോലീസ്.....

ആമ്മേൻ

2009-03-30T04:36:00.000-07:00

“ആമ്മേൻ” എന്ന പുസ്തകത്തിന്റെ ഉള്ളടക്കത്തെക്കുറിച്ചു അനുകൂലിച്ചും പ്രതികൂലിച്ചും പലരും എഴുതിയ കാര്യങ്ങളാണു എന്നെ ഇതെഴുതാൻ പ്രേരിപ്പിച്ചത്.
“സ്ലം ഡോഗ് മില്ല്യണയറിൽ” ചേരികളിലെ ജീവിതം കാണിച്ചപ്പോൾ ഇൻഡ്യ മുഴുവനും ചേരികളാണെന്നും, നാം എല്ലാവരും ചേരിനിവാസികളാണെന്നും തെറ്റിദ്ധരിച്ച വിദേശികളുണ്ട്. അതുപോലെ ഒരു അച്ചനോ ഒരു കന്യാസ്ത്രീയോ സഭക്ക് ചീത്തപ്പേരുണ്ടാക്കിയതുകൊണ്ട് സഭ മുഴുവനും അത്തരക്കാരാണെന്ന് ധരിക്കുന്നത് ശുദ്ധ അസംബന്ധം. എന്നാൽ ഇത്തരക്കാർ സഭയിൽ ഇല്ലേയില്ല എന്നൊക്കെയുള്ള വിഡ്ഡിത്തരങ്ങൾ വിളമ്പുന്നത് അതിലേറെ അസംബന്ധം. ലോകത്താകമാനമുള്ള 400,000 കത്തോലിക്കാ പുരോഹിതരിൽ ഒരു ശതമാനമെങ്കിലും ഇത്തരക്കാരാണെന്ന് പരിശുദ്ധ പിതാവ് ബനഡിക്ട് 16- മൻ തന്നെ പറഞ്ഞിട്ടുള്ള സ്ഥിതിക്ക് കണ്ണടച്ചിരുട്ടാക്കിയതുകൊണ്ട് കാര്യമില്ല. (വിശദ വിവരങ്ങൾക്ക് ഈ ലിങ്ക് സന്ദർശിക്കുക. http://www.timesonline.co.uk/tol/comment/faith/article3142511.ece പാശ്ചാത്യ രാജ്യങ്ങളെ അപേക്ഷിച്ച് ഇത്തരക്കാർ ഇൻഡ്യയിൽ തുലോം കുറവാണെന്നത് ആശ്വാസകരം തന്നെ. സമൂഹത്തിന്റെ എല്ലാ മേഘലകളിലും ഇത്തരം തിന്മകളുണ്ട്. ലോകം വളരുന്നതോടൊപ്പം ഇത്തരം തിന്മകളും അതിനൊപ്പം തന്നെ വളർന്നുകൊണ്ടിരിക്കും.കോൺ വെന്റുകളിലും സെമിനാരികളിലും കഴിയുന്നവർ നമ്മുടെ തന്നെ സഹോദരങ്ങളും പ്രതീകങ്ങളുമല്ലേ. അവരെ മനുഷ്യരായി കാണുക. കാലഹരണപ്പെട്ട ചില കാനോൻ നിയമങ്ങളുടെ പേരിൽ വൈകാരികമായും സാമൂഹികപരമായുമെല്ലാം അടിച്ചമർത്തപ്പെട്ട അവരോട് അല്പം സഹാനുഭൂതി കാണിക്കുക. സഭാ ചട്ടങ്ങളിൽ കാലോചിതമായ മാറ്റങ്ങൾ വരുത്താൻ സഭാ നേത്രുത്വം തയ്യാറാകേണ്ട കാലം അതിക്രമിച്ചിരിക്കുന്നു. അഭയക്കേസ്സിൽ സഭാ നേത്രുത്വം എടുത്ത നിലപാടുകൾ സഭക്ക് കൂടുതൽ കളങ്കമുണ്ടാക്കാൻ മാത്രമേ സഹായിച്ചുള്ളൂ. അതുകൊണ്ട് “ആമ്മേൻ“ എന്ന പുസ്തകത്തിന്റെ പേരിൽ കൂടുതൽ പ്രതികരിച്ച് വീണ്ടും ഒരു വിവാദത്തിലേക്ക് സഭ ചാടാതിരിക്കുന്നതാണു ബുദ്ധി എന്നു തോന്നുന്നു. മൌനം വിദ്വാനു ഭൂഷണം എന്നാണല്ലോ ചൊല്ല്.
ആമ്മേൻ

ഹാപ്പി മദേഴ്സ് ഡേ....

2009-03-22T07:41:00.000-07:00

എല്ലാ അമ്മമാര്‍ക്കും, ഉടന്‍ അമ്മയാകാന്‍ പോകുന്ന ഇവര്‍ക്കും മദേഴ്സ് ഡേ ആശംസകള്‍......

സ്ലം ഡോഗ് മിനിസ്റ്റര്‍

2009-02-26T07:53:00.000-08:00

ലോകമെമ്പാടുമുള്ള സകലമാന മലയാളീ രാഷ്ടീയ നിരീക്ഷകരുടെയും, നിരക്ഷരരുടെയും പ്രവചനങ്ങളെ അട്ടിമറിച്ചുകൊണ്ട് "സ്ലം ഡോഗ് മിനിസ്റ്റര്‍" ഓസ്കാര്‍ അവാര്‍ഡുകള്‍ തൂത്തുവാരി.
നല്ല കാലം വരുമ്പോഴും കഷ്ടകാലം വരുമ്പോഴും കൂട്ടത്തോടെ വരുമെന്നാണു ചൊല്ല്- ഇതാ റസൂല്‍ പൂക്കുട്ടിക്കും ഏ.ആര്‍. റഹ്മാനും ശേഷം കേരളീയര്‍ ഓസ്കാര്‍ വാരികൂട്ടുന്നു. ലോകരാഷ്ട്രങ്ങളിലല്‍ നിന്നുള്ള 200 ല്‍ പരം രാഷ്ട്രീയ നാടകങ്ങളെ ബഹുദൂരം പിന്നിലാക്കിയാണ് സ്ലം ഡോഗ് മിനിസ്റ്റര്‍ ഏറ്റവും നല്ല നാടകത്തിനുള്ള അവാര്‍ഡ് കരസ്തമാക്കിയത്.

ഏറ്റവും നല്ല ചിത്രം -- സ്ലം ഡോഗ് മിനിസ്റ്റര്‍
ഏറ്റവും നല്ല നടന്‍ -- അച്ചി മാമന്‍
ഏറ്റവും നല്ല സംവിധായാന്‍ -- പുഴുങ്ങാറായി
നടി - പീ. കെ. ശ്രീമതി
നിര്‍മ്മാണം -- എല്‍.ഡി. എഫ്
കഥ, തിരക്കഥ -- സീ.പി.ഐ (എം‌)
സംഭാഷണം -- സുധാകരന്‍
എഡിറ്റിംഗ് -- പൊളിറ്റ് ബ്യൂറോ
സംഘട്ടനം - കൊടിയേരി
ഗതാഗതം - നവകേരളാ മാര്‍ച്ച്
ഗാനങ്ങള്‍ - പീ. ജെ ജോസഫ്
അഥിതി താരം -- യച്ചൂരി
ശബ്ദവും വെളിച്ചവും -- ഏ. കെ ബാലന്‍
വിതരണം -- ഡീ. വൈ. എഫ്. ഐ
ഹയിപ്പോത്തിക്കേഷന് - ലാവ്ലിന്‍

മൂന്നില്‍ ച്വില്ലാനും കോടി കഴുതകള്‍ താമസിക്കുന്ന ഒരു കൊച്ചു രാജ്യം. വാക്കും പ്രവ്രുത്തിയും തമ്മില്‍ പുലബന്ധം പോലുമില്ലാത്ത ഒരു കൂട്ടം യജമാനന്മാര്‍അവരെ ഭരിക്കുന്നു. അവിടെ നടക്കുന്ന രസകരങ്ങളായ സംഭവങ്ങളാണ്- കഥയുടെ ഇതിവ്രുത്തം. കഥയുടെ ക്ലയിമാക്സില്‍ ശിഘണ്ടിയായ വില്ലന്‍ നായകനായി മാറുന്ന ആന്റി-ക്ലയിമാക്സാണു ഈ ചിത്രം ഇത്രയധികം അവാര്‍ഡുകള്‍ വാരിക്കൂട്ടാന്‍ കാരണമെന്നു ചിത്രം കണ്ടവര്‍ ഒന്നടങ്കം അഭിപ്രായപ്പെടുന്നു.
ഈ അവാര്‍ഡ് കേരളത്തിലെ എല്ലാകഴുതകള്‍ക്കുമായി സമ്മാനിക്കുന്നുവെന്ന് അവാര്‍ഡുയര്‍ത്തി അച്ചിമാമനന്‍ പറഞ്ഞപ്പോള്‍ ശംഘുമുഘം കടപ്പുറത്തെ മണല്‍ത്തരികള്‍ പോലും നാണിച്ചുപോയി. ഇതിലും ഭേദം കഴുത്തില്‍ തിരികല്ലുകെട്ടി ഈ കടലില്‍ ചാടി ചാകുന്നതായിരുന്നു നല്ലതെന്നായിരുന്നു അവരുടെ അഭിപ്രായം
ഈ അവാര്‍ഡ് പൊളിറ്റ് ബ്യൂറോക്ക് സമ്മാനിക്കുന്നുവെന്ന് പുഴുങ്ങാറായിയും പ്രസ്താവിച്ചു.

"കോഴയെന്ന പേരുകേട്ടാലഭിമാനപൂരിതമാകണമന്തരംഗം
ലാവലിന്‍ എന്നു കേട്ടാലോ തിളക്കണം ചോര നമുക്കു ഞരമ്പുകളില്‍...
ലാല്‍ സലാം...ലാല്‍ സലാം... ലാല്‍ സലാം....“ എന്ന ഗാനത്തോടെ അവാര്‍ഡു ദാന ചടങ്ങുകള്‍ സമാപിച്ചു.
കോഴ രാജ്യം വിജയിക്കട്ടെ! കോഴ രാജക്കന്മാര്‍ സിന്താബാദ്! തുടങ്ങിയ ജെയ് വിളികളോടെ അണികള്‍ അന്നത്തെ തച്ചും വാങ്ങി ഷാപ്പുകളിലേക്കു മടങ്ങി.

സ്നേഹമാണഖിലസാരമൂഴിയില്‍.....

2009-02-14T00:48:00.000-08:00

സൂക്ഷിച്ചോണേ, ആ ശ്രീരാമസേനക്കാര്‍ എപ്പോ വേണേലും വരാം...
ഹാപ്പി വാലന്റയിന്‍സ് ഡേ.....

വരുമോരോദശ വന്നപോലെപോം ....

2009-02-04T04:18:00.000-08:00

അഖിലലോക മലയാളികളേ,.. സന്തോഷിപ്പിന്‍! ഇതാ നിങ്ങള്‍ക്കൊരു സദ്വാര്‍ത്ത....
പരശുരാമന്‍ മഴുവെറിഞ്ഞ് പടുത്തുയര്‍ത്തിയ ആ പഴയ കേരളത്തെ മറന്നേക്കൂ. ഇതാ നവകേരള സ്രുഷ്ടിക്കായി കലിയുഗ രാമന്‍ മഴുവെറിയുന്നു. ക്ഷമിക്കണം, മഴുവിനു പകരം അരിവാളാണുകേട്ടോ. ഉപ്പളത്തുനിന്നും അരിവാളുമായി അഭിനവ രാമനും അനുയായിവ്രുന്ദവും യാത്ര തുടങ്ങിക്കഴിഞ്ഞു.(C.B.I പറയുന്നത് ശരിയാണെങ്കില്‍ ആലീബാബയും ....മാരും) അനുയായികളില്‍ മുന്‍പന്‍ കൂടെയില്ല കേട്ടോ. അല്ലാ, “ആനവിറ്റു പണമുണ്ടക്കുന്നവനെ നയിപ്പാന്‍ ചേനവിറ്റു പൊറുക്കണ ചങ്ങാതിക്കാവില്ലല്ലോ“. അതെന്തുമാകട്ടെ, ഈ 25-കേരള ചരിത്രത്തില്‍ താംബൂലസ്ഥാനം പിടിക്കുവാന്‍ തയ്യാറായിക്കഴിഞ്ഞു. ഇനി മുതല്‍ കേരളപ്പിറവി ദിനം Nov.1- എന്നുള്ളത് മാറി Feb-25 ആകും. കൂടാതെ നവ കേരളത്തിന്റെ പേര്‍ കേരളം എന്നുള്ളത് മാറ്റി ഉപ്പളം എന്നാകും. കേരളാ കോണ്‍ഗ്രസ്സുകാരെല്ലാം ഉപ്പളകോണ്‍ഗ്രസ്സുകാരാകും. ഇതിനെതിരെ ശക്ത്തമായ പ്രതിഷേധങ്ങളും ഹര്‍ത്താലും പ്രതീക്ഷിക്കം. എന്തായാലും ഇക്കാര്യത്തില്‍ പരമോന്നത കോടതിയും അന്വേഷണ ഏജന്‍സിയുമായ പൊളിറ്റ് ബ്യൂറോ ഓഫ് ഇന്ത്യ തീരുമാനമെടുക്കും. C.B.I യെ പിരിച്ചുവിടാനും തീരുമാനമായിട്ടുണ്ട്. തങ്ങളുടെ നേതാവിനെ കള്ളക്കേസ്സില്‍ കുടുക്കിയവരെ ഇനി വച്ചുപൊറുപ്പിക്കുന്നത് ഒറിക്കലും ശരിയല്ല.രാ‍ജ്യത്തെ ഏറ്റവും നല്ല ഏജന്‍സി എന്ന് അഭയക്കേസ്സിന്റെ കാര്യത്തില്‍ പുകഴ്ത്തിയിരുന്ന അതേ ഏജന്‍സിക്കെതിരേ വാളോങ്ങുന്നത് കാണുമ്പോള്‍ പാവം ജനം പാടിപ്പോകുന്നു, “ഒരു നിശ്ചയവുമില്ലയൊന്നിനും, വരുമോരോദശ വന്നപോലെ പോം....”

കാളയില്ലാനാട്ടിലെ പശുവിന്റെ പാതിവ്രുത്യം

2009-01-26T04:14:00.000-08:00

കോടികള്‍ വിലമതിക്കുന്ന ഹെറോയിനുമായി മയക്കുമരുന്നു ‘വിരുത്ത‘ സ്കോഡിന്റെ തലവന്‍, മലയാളി ഐ.പി.എസ്സ്. ഉദ്യോഗസ്ഥന്‍ സജി മോഹന്‍ പിടിയില്‍. കേരളത്തിനു കിട്ടിയ റിപ്പ്ബ്ലിക് ദിന മെഡല്‍. ജീവനക്കാരുടെ കോടികള്‍ വരുന്ന പീ. എഫ്. ഫണ്ട് അടിച്ചുമാറ്റിയതിനു സുപ്രീം കോടതി ജഡ്ജ് ഉള്‍പ്പെടെ 30 ജഡ്ജിമാരുടെ പേരില്‍ കേസ്സെടുത്തു. അഴിമതിക്കെതിരെ ഘോരഘോരം കണ്ട്ഠക്ഷോഭം നടത്തുന്ന പ്രസ്ഥാനത്തിന്റെ അഭിനവ ഭീഷ്മാചാര്യന്‍ 300 കോടിയുടെ അഴിമതിക്കേസ്സില്‍. നീതിന്യായവും,നിയമനിര്‍മ്മാണവും, കാര്യനിര്‍വഹണവും ഇതുപോലെ ഒത്തൊരുമിച്ചു നീങ്ങുന്ന ഒരു രാജ്യം വേറെയേതുണ്ട്? ഈ ജഗത്രയന്‍മാരുടെ ലീലാവിലാസങ്ങള്‍ കണ്ട് ഏതൊരു ഭാരതീയനും, ഏതൊരു കേരളീയനും രോമമുണ്ടെങ്കില്‍ രോമാഞ്ജകഞ്ജുകിതരാകേണ്ടതാണ്. അതിനുപകരം ഇതിനെതിരേ അധരവ്യായാമം‌ നടത്തുന്നത് അസൂയമൂത്തിട്ടാണു. തങ്ങളേക്കൊണ്ട് ചെയ്യാന്‍ പറ്റാത്തത് മറ്റുള്ളവര്‍‌‌ ചെയ്യുമ്പോളുള്ള മുഴുത്ത അസൂയ. അവരവരേക്കൊണ്ട് പറ്റുന്നതുപോലെയല്ലേ ചെയ്യാന്‍പറ്റൂ. പറ്റാത്തവരെ കാളയില്ലാ രാജ്യത്തെ പശുവിന്റെ പാതിവ്രുത്യത്തോടുപമിക്കാം. മന്തുള്ള കാല്‍‌ മണലില്‍ പൂഴ്ത്തി വച്ചിട്ട് മറ്റുള്ളവരെ മന്താ... മന്താ.. എന്നുവിളിക്കരുത്. ഇവരൊക്കെ നമ്മുടെ തന്നെ നിഴലുകളല്ലേ?. അണ്ണറക്കണ്ണനും തന്നാലായത്... പശുവുള്ള വീട്ടമ്മ പാല്‍ കൊടുക്കുമ്പോള്‍ അല്പം വെള്ളം ചേര്‍ക്കുന്നു. വാ‍ഴക്രുഷി ചെയ്യുന്ന കര്‍‌ഷകന്‍ വാഴക്കുലയുടെ കൊടപ്പനില്‍ യൂറിയാ കലക്കിനിറച്ച പൊളിത്തീന്‍ സഞ്ചി കെട്ടിവയ്ക്കുന്നു. പലവ്യഞ്ജന വ്യാപാരി തൂക്കത്തില്‍ അല്പം വെട്ടിക്കുന്നു,അരിയില്‍ അല്പം മണല് ചേര്‍‌ക്കുന്നു, കറിപ്പൊടിയില്‍ അല്പം ഇഷ്ടികപ്പൊടീ ചേര്‍‌ക്കുന്നൂ. ഭൂമി വാങ്ങുന്നവന്‍ യഥാര്‍ഥ വിലയുടെ പത്തിലൊന്നുപോലും കാണിക്കാതെ രെജിസ്റ്ററേഷന്‍ നടത്തുന്നു. സ്ത്രീധനം നിരോധിച്ച നാട്ടില്‍ നാം അതു വാങ്ങുന്നു,, കൊടുക്കുന്നു. കാര്യങ്ങള്‍ വേഗം നടത്തിക്കിട്ടാന്‍ നാം ‘കയിക്കൂലി ‘കൊടുക്കുന്നൂ വാങ്ങുന്നൂ. ഇനി ഒരാത്മ പരിശോധന നടത്തിക്കേ. പാപമില്ലാത്തവരുണ്ടോ, കല്ലെറിയാന്‍?
പ്രിയമുള്ളവരേ, അഴിമതി ഓരോ ഭാരതീയന്റെയും ജന്മാവകാശമാണു. അതിനെ പ്രോത്സാഹിപ്പിക്കുക. ഭരണാഘടനാപരമായി ഇതിനു നിയമസാധുത കിട്ടാന്‍ നമുക്കൊന്നയി അണിചേരാം, മനുഷ്യച്ചങ്ങലകള്‍‌ തീര്‍ക്കാം. ഇങ്ങിനെ കിട്ടുന്ന വരുമാനത്തിനു VAT ഏര്‍പ്പെടുത്തി അത് ഘജനാവിലേക്ക് മുതല്‍കൂട്ടാം. ഇതാണു ഈ എളിയ കള്ളന്റെ അഭിപ്രായം. ഇവിടെ ഈ യൂ.കെ യിലായതുകൊണ്ട് ഞങ്ങള്‍ക്കതിനു കഴിയുമോയെന്ന് നിങ്ങള്‍ക്കാശങ്കയുണ്ടാകാം. ഇവിടെയാണെങ്കിലും നമ്മുടെ പാരമ്പര്യവും, സംസ്കാരവും ഞങ്ങള്‍ പരമാവധി ഉയര്‍ത്തിപ്പിടിച്ചാണു ഇതുവരെയും ജീവിച്ചുപോന്നിട്ടുള്ളത്. അഗ്രഹാരത്തില്‍ കഴിഞ്ഞതുകൊണ്ട് നായ വേദം പഠിക്കണമെന്നില്ലല്ലോ. ഒരു മാറ്റവും ഞങ്ങള്‍ക്ക് വന്നിട്ടില്ല. അതുകൊണ്ട് നിങ്ങളില്‍ ഒരാളായിത്തന്നെ ഞങ്ങള്‍ നിരവധി പേരിവിടുണ്ട്. ഞങ്ങള്‍ക്കു പറ്റാവുന്നതൊക്കെ ഞങ്ങളും ചെയ്യുന്നുണ്ട്. അനര്‍ഹമായി അവധി കിട്ടാന്‍ വേണ്ടി അവധി കഴിഞ്ഞ് വരുമ്പോള്‍ സിഗരറ്റ്മുതല്‍ സ്വര്‍ണ്ണ ചെയിന്‍ വരെ ഞങ്ങളുടെ മാനേജര്‍‌മാര്‍‌ക്ക് ഞങ്ങള്‍ നല്‍കിവരുന്നു. ആസ്ത്രേലിയായിലും, അമേരിക്കായിലും ഒക്കെ ജോലികിട്ടി പോകുമ്പോള്‍ ഞങ്ങള്‍ കിട്ടാവുന്നിടത്തുനിന്നെല്ലാം ഞങ്ങള്‍ re-mortgageഉം loanഉം ഒക്കെയായി കിട്ടുന്നതെല്ലാം വാങ്ങി നാട്ടിലേക്കയക്കുന്നു.ക്രഡിറ്റ് കാര്‍ഡില്‍ വാങ്ങിയിട്ടുള്ള T.V FRIDGE, SOFA....തുടങ്ങിയവ ആര്‍‌ക്കെങ്കിലും കിട്ടുന്ന കാശിനു കൊടുക്കാറുണ്ട്. പിന്നെ എയര്‍‌പോര്‍‌ട്ടിലേക്ക് പോകുമ്പോള്‍ rent-a-car എടുക്കുകയും അവിടെ ചെന്നുകഴിയുമ്പോള്‍ അത് എയര്‍‌പോര്‍‌ട്ടില്‍ ഉപേക്ഷിച്ച് ആ കാശും ലാഭിക്കാറുണ്ട്. ഇതില്‍ കൂടുതല്‍ ഇനി എന്താണു ഞങ്ങള്‍ ചെയ്യേണ്ടത്. എന്തിനും ഏതിനും നിങ്ങളോട് ‘അയിക്കദാര്‍ഡ്യം‘ പ്രകടിപ്പിച്ച് ഞങ്ങളും നിങ്ങളോടൊപ്പ്മുണ്ട്. ലച്ചം ലച്ചം പിന്നാലേ... ഭാരത് മഹാന്‍ കീ... ജെയ്.....

സമ്പത്തുകാലത്ത് ഫ്ലാറ്റൊന്നു വാങ്ങിയാല്‍ ....

2009-01-24T13:41:00.000-08:00

സമ്പത്തുകാലത്ത് ഫ്ലാറ്റൊന്നു വാങ്ങിയാല്‍ ആപത്തുകാലത്ത് മൂക്കില്‍ പഞ്ഞിവച്ച് കിടക്കാം

അങ്ങിനെ ഒരു ചാന്ത്രമാസം നീണ്ടു നിന്ന അവധിയും കഴിഞ്ഞ് യൂ.കെ.യില്‍ തിരിച്ചെത്തിയിട്ട് ആഴ്ച്ച രണ്ടാകാറായി. അവധിയുടെ ആലസ്യത്തില്‍ നിന്നും മോചനം കിട്ടിവരുന്നതേയുള്ളൂ. ക്രിസ്തുമസ്സും ന്യൂ-ഇയറും മാത്രമല്ല, തിരുന്നാളും കല്ല്യാണവും,പേറും പേരിടീലും, ചാവും ചാവടിയന്തിരവുംവരെ കൂടിയിട്ടാണു്‌ തിരിച്ചുവന്നിരിക്കുന്നത്. അവധിക്കാലം അടിച്ചുപൊളിച്ചാഘോഷിച്ചെങ്കിലും ഹ്രുദയത്തിലെവിടെയോ ഒരു ചെറുനോവ് ബാക്കിനില്‍‌ക്കുന്നു. എന്റെ നാട്, എന്റെ ജന്മനാട് എന്നു ഞാന്‍ ഊറ്റംകൊണ്ടിരുന്ന എന്റെ നാട്ടില്‍ ഞാനൊരന്യനായി തീര്‍ന്നിരിക്കുന്നു എന്ന ഭീതിതമായ തിരിച്ചറിവ് ഒരുള്‍ക്കിടിലത്തോടെ ഹ്രുദയത്തിലേറ്റുവാങ്ങി മടങ്ങിയപ്പോള്‍,അതെ അന്യതാബോധവും കൂടെപ്പോന്നൂ എന്നുമാത്രമല്ല, ഏതാണെന്റെ നാട് എന്ന ചോദ്യവും എന്നെനോക്കി പല്ലിളിക്കുന്നു. ഏതൊരു പ്രവാസിക്കും ഇതേ ചോദ്യം തന്നോടുതന്നെ ചോദിക്കേണ്ടിവന്നിട്ടുണ്ടായിരിക്കാം, അല്ലെങ്കില്‍ വരുമായിരിക്കാം. പാമ്പന്‍പാലത്തിന്റെ കരുത്തും ഉറപ്പുമുണ്ടായിരുന്ന ബന്ധങ്ങള്‍ പലതും അന്റാര്‍ട്ടിക്കയിലെ മഞ്ഞുരുകുന്നതുപോലെ ഉരുകിയുരുകിതീര്‍ന്നുകൊണ്ടിരിക്കുന്നു. ആര്‍ക്കും ഒരു കുശലാന്വേഷണത്തിനുപോലും സമയമില്ല. തിരക്കോടുതിരക്ക്. മാറ്റം എന്ന വാക്ക് ഒബാമ കേരളത്തില്‍ നിന്നും കോപ്പിയടിച്ചതാണോ എന്നൊരു സംശയം. അത്രക്കും മാറിയിരിക്കുന്നൂ, എന്റെ നാടും നാട്ടുകാരും. സംഭവാമി യുഗേ..യുഗേ..

സാമ്പത്തിക മാന്ദ്യം സാധാരണക്കാരെ അധികം ബാധിച്ചതായി തോന്നുന്നില്ല. എന്നാല്‍ കൂലിപ്പണിക്കാരെയും വന്‍ കിടക്കാരെയും ഒരുപോലെ ബാധിച്ചിരിക്കുന്നു. നാട്ടിലിപ്പോള്‍ ആവശ്യത്തിനു പണിക്കാരെ കിട്ടാനുണ്ട്.അതായത് പണീയില്ലായെന്നര്‍ത്ഥം. എന്തുപറ്റീ? ഊതിപ്പെരുപ്പിച്ച കണക്കുകള്‍ കാട്ടി പണിതുടങ്ങിയ ഫ്ലാ‍റ്റൂകച്ചവടം പാടെ നിന്നു. 50000 രൂപാ മാസവരുമാനം, പത്തുകൊല്ലം കഴിഞ്ഞ് വില്‍ക്കുമ്പോള്‍ പത്തിരട്ടിവില എന്നൊക്കെപ്പറഞ്ഞവര്‍ പലരും വായില്‍ കോലിട്ടാലും കമാന്നൊരക്ഷരം മിണ്ടുന്നില്ല. പറ്റിയപ്പോള്‍ ആര്‍ക്കുപറ്റീ, കൊലപ്പണി ചെയ്തും ലോണെടുത്തും കടലാസ്സില്‍ കണ്ട ഫ്ലാറ്റിന്‌ കാശുകൊടുത്ത കുറേ വിദേശ മലയാളികളുടെ കാര്യം ഫ്ലാറ്റായി. മറ്റവന് ഒരു ചുക്കും പോകാനില്ല. നെടുമ്പാശ്ശേരിയില്‍ എന്നുപറഞ്ഞ് അപ്പിള്‍-എ-ഡേ ക്കാരുപണിയുന്ന ഫ്ലാറ്റ് മറ്റൂരില്‍. വെറും 50 മീറ്റര്‍ മാറിയാണ് K.G.P BORNMEAL എന്ന എല്ലുപൊടി കമ്പനി. ഫ്ലാറ്റിന്റെ അതിരില്‍ത്തന്നെ രണ്ട് മെറ്റല്‍ ക്രഷര്‍. അതിനോടു ചേര്‍ന്നുതന്നെ റൈസ് മില്ലുകള്‍. പൊടിയും ചാരവും മണവും അബ്സൊലൂട്ടിലി ഫ്രീ. ഈ സ്ഥലം ഒരിക്കല്‍ കണ്ടവര്‍ ഈ ഫ്ലാറ്റുകള്‍ വെറുതെ കിട്ടിയാലും വാങ്ങില്ല. പക്ഷേ, ഇവിടെ പണിത മൂന്നു ബ്ലോക്കുകള്‍ ഇന്റര്‍നെറ്റുവഴി വിറ്റുകഴിഞ്ഞു. നാലാമത്തെ ബ്ലോക്കിന്റെ പണികള്‍ നടക്കുന്നു. എല്ലാം വാങ്ങിയത് വിദേശമലയാളികള്‍. ആരും താമസം തുടങ്ങിയിട്ടില്ലാ എന്നുള്ളതാണിതിന്റെ ഏറ്റവും രസകരമായ വസ്തുത. എന്താണു കാരണം. ഉടമസ്ഥന്മാരെല്ലാം വിദേശത്ത് കിടന്നു മരിച്ചുപണിയെടുത്ത് സമ്പാദിക്കുകയല്ലേ,നാളെ വന്ന് സുഖമായി ജീവിക്കാന്‍. സമ്പത്തുകാലത്ത് തൈ പത്തുവച്ചാല്‍..എന്നാണല്ലോ ചൊല്ല്. പക്ഷേ അതിനു യോഗമുണ്ടാകുമോ? അതോ മൂക്കില്‍ പഞ്ഞിവച്ച് കിടക്കാനായിരിക്കുമോ യോഗം. ങാ.. തലവിധി മൊട്ടയടിച്ചാല്‍ മായില്ലല്ലോ....

ക്രിസ്തുമസ്സ് ആശംസകള്‍

2008-12-11T09:44:00.000-08:00

മാന്യ വായനക്കാര്‍ക്ക് എന്റെ ക്രിസ്തുമസ്സ് ആശംസകള്‍. ഇതൊരല്‍പ്പം നേരത്തേയായിപ്പോയില്ലേയെന്ന് ചോദിച്ചാല്‍... ആണ്. എന്നാല്‍ ആണോ? ....അല്ല. കാരണം, ഇനി അവധിക്കാലമാണ്. ഞാന്‍ പുത്രകളത്രാദികളോടൊപ്പം ക്രിസ്തുമസ്സ് ആഘോഷിക്കുവാന്‍ നാളെ നാട്ടിലേക്ക് തിരിക്കുകയാണ്. വിടുവായന്‍ തവളകള്‍ പതിവായി കരഞ്ഞിരുന്ന, തോടുകളും കുളങ്ങളും വയലേലകളുംകൊണ്ട് സമ്രുദ്ധമായിരുന്ന എന്റെ നാടിന്റെ ആ ഭൂതകാല സ്മരണകളുടെ മാണിക്യച്ചെപ്പൂം മനസ്സിലേറ്റി, മാണിക്യമംഗലം എന്ന ഞങ്ങളുടെ ആ കൊച്ചുഗ്രാമത്തിലേക്ക്. ഗ്രാമഭംഗിയെല്ലാം "ആപ്പിള്‍ എ ഡേ പ്രോപ്പര്‍ട്ടീസ്" പോലുള്ള വമ്പന്‍ കമ്പനികളുടെ പാര്‍പ്പിട സമുച്ചയങ്ങളും, നിരവധി ചെറുകിട-വന്‍കിട വ്യവസായശാലകളുംകൊണ്ട് ഗ്രാമമോ നഗരമോ എന്നുപറയാനാവാതെ ഒരുതരം അവിയല്‍പരുവത്തിലെത്തി നില്‍ക്കുന്ന ആ മണ്ണിലേക്ക് ഒരു ഹ്രുസ്വ യാത്ര. ശ്രീ. ശങ്കരാചാര്യരുടെ ജന്മംകൊണ്ട് പുണ്യമായ ഭൂമിയിലേക്കു, കാലടിയിലേക്ക് എന്റെ വീട്ടില്‍നിന്നും ഒരു കല്ലേറുമാത്രം ദൂരം. ആ പുണ്യഭൂമി ഇന്ന് മണല്‍ മാഫിയയുടേയും, ഗുണ്ടാസംഘങ്ങളുടേയും കൈപ്പിടിയിലാണ്.കരിംചന്തക്കും മായംചേര്‍ക്കലിനും നേരത്തെ കീര്‍ത്തികേട്ടിരുന്നു. അരിയുടെ കേരളത്തിലെ മൊത്തവ്യാപാരം നിയന്ത്രിക്കുന്ന കാലടിയില്‍, വെള്ളയരി റെഡ്-ഓക്സൈഡ് എന്ന മാരകവിഷം ചേര്‍ത്ത് മട്ടയരിയാക്കി വില്‍ക്കുന്നത് മില്ലുകാരുടെ ഒരു സാദാപരിപാടി മാത്രം. നല്ല വിലയുണ്ടായിരുന്നകാലത്ത്, ജാതിക്കാപത്രി പ്ലാസ്റ്റിക്കില്‍ ഉണ്ടാക്കി കടല്‍കടത്തിയിട്ടുള്ള വിരുതന്‍മാരും ഇവിടുണ്ട്. പകുതി മണലും, ബാക്കി മണ്ണും മെറ്റല്‍പൊടിയും ചേര്‍ത്തുപണിത ഇടമലയാര്‍ അണക്കെട്ടിന്റെ മായം ചേര്‍ത്ത സിമന്റ് മുഴുവനും അഥികാരികളുടെ ഒത്താശയോടെ കയറ്റിവിട്ട് കോടികള്‍ പോക്കറ്റിലാക്കിയ, അക്കാലത്ത് "സിമന്റ് കുഞ്ഞെന്നും", ഇപ്പോള്‍ "കുഞ്ഞേട്ടന്‍" എന്നും മാലോകര്‍ ഭയഭക്തിബഹുമാനങ്ങളോടെ വിളിക്കുന്ന മിടുമിടുക്കന്‍മാര്‍ വിലസുന്ന അഭിനവ കുട്ടിശ്ശങ്കരന്‍മാരുടെ മണ്ണിലേക്കുള്ള യാത്ര. അതൊക്കെ അവിടെ നില്‍ക്കട്ടെ. നമുക്ക് ക്രിസ്തുമസ്സിലേക്ക് തിരിച്ചുവരാം. ക്രിസ്തുമസ്സ് എന്നു കേള്‍ക്കുമ്പോഴേ ഓര്‍മ്മയില്‍ ഓടിയെത്തുന്ന ഒരു പാട്ടുണ്ട്.. എന്റെ കുട്ടിക്കാലത്ത് കരോള്‍ സംഘങ്ങള്‍ വീടുവീടാന്തരം കയറിയിറങ്ങുമ്പോള്‍ അപ്പനപ്പൂപ്പന്‍മാര്‍ പാടിക്കേട്ടിരുന്ന ഒരു പഴയ പാട്ട്. ഒരു പുസ്തകത്താളിലും അച്ചടിച്ചുവന്നിട്ടില്ലാത്ത ഈ പാട്ട് ഏറെ ശ്രമപ്പെട്ടാണു സമ്പാദിച്ചത്. വായ്മൊഴിയായി പലരില്‍നിന്നും കേട്ടത് വരമൊഴിയായി, ഒരു ക്രിസ്തുമസ്സ് സമ്മാനമായി നിങ്ങള്‍ക്ക് സമര്‍പ്പിക്കുന്നു.

പ്രത്യക്ഷം പ്രത്യക്ഷമിന്നൂ ദേശീകാരേ...........
ദേവനിക്ഷിതിയില്‍ ജാതനായി... അല്ലേലൂയാ...
മുന്നാമരുള്‍ചെയ്തപോലേ ദേശീകാരേ.........
മേട്ടില്‍, ഇന്നൂ രാത്രീ മധ്യാനേരം അല്ലേലൂയാ.....
ആലാഹാപുത്രന്‍ നമുക്കായി ദേശീകാരേ..........
ഒരു ബാലനായവതരിച്ചു....ഹല്ലേലൂയാ.....

സ്വര്‍ഗ്ഗമണ്ടലം തുറന്നൂ...ദേശീകാരേ....
സ്രുഷ്ടിവര്‍ഗ്ഗമോടെ ദേവദൂതര്‍ ഹല്ലേലൂയാ.....
ബസ്ലഹം മലമ്പുറത്തു..ദേശീകാരേ.....
ഒരു പുല്‍ക്കൂട്ടിലുറങ്ങുന്നുണ്ണീ ഹല്ലേലൂയാ....
യൌസേപ്പും മറിയവും മദ്ധ്യേ.. ദേശീകാരേ..
ഉണ്ണിയുറക്കംതെളിഞ്ഞാനന്തിച്ചൂ...ഹല്ലേലൂയാ...

കട്ടില്‍മെത്തയില്ലീവിടെ ..ദേശീകാരേ....
കുറേ പൊട്ടവൈക്കോലിന്‍മേല്‍ നിദ്രാ.. ഹല്ലേലൂയാ...
കട്ടിയായ മഞ്ഞുകൊണ്ടു ദേശീകാരേ....
ഉണ്ണീ...ഞെട്ടീവിറച്ചീടുന്നയ്യൊ...ഹല്ലേലൂയാ...
കാള കഴുതയുമുണ്ട്... ദേശീകാരേ....
ഞങ്ങളോടുകൂടെ കാഴ്ച്ചകൊടുത്തല്ലേലൂയാ...

തത്തകള്‍ പുകഴ്ത്തിസ്തൂതി ..ദേശീകാരേ...
ഇതാ... പക്ഷിവര്‍ഗ്ഗമൊന്നായ് സ്തുതി പാടുന്നല്ലേലൂയാ..
നിങ്ങള്‍ ചൊന്ന സത്യാവാര്‍ത്ത ദേശീകാരേ...
ഇന്നൂ..പുത്തനായി കേട്ടൂ ഞങ്ങള്‍ ..ഹല്ലേലൂയാ...
ഹല്ലേലൂയാ എന്നാ സ്തൂതീ വാനോര്‍സ്തോത്രമേ..
നിങ്ങളിന്നൂതന്നെ ചെന്നാര്‍ക്കണമല്ലേലൂയാ....

ഈ പാട്ട് അറിയാമെന്നുള്ളവരില്‍നിന്നും തിരുത്തലുകള്‍ ക്ഷണിക്കുന്നൂ.

വിവാഹമെന്ന കൂദാശ

2008-12-06T12:19:00.000-08:00

മാന്യ വായനക്കാരെ! സഭയും വിലക്കപ്പെട്ട കനിയും എന്ന തലക്കെട്ടില്‍ ഞാന്‍ എഴുതിയ ലേഖനത്തെ അനുകൂലിച്ചും പ്രതികൂലിച്ചും പലരും നേരിട്ടും, ഈ-മെയിലിലൂടെയും അഭിപ്രായങ്ങള്‍ പ്രകടിപിക്കുകയുണ്ടായി. എല്ലാവര്‍ക്കും നന്ദി. അതോടൊപ്പം വിവാഹം ഇഷ്ടമുള്ള വൈദികര്‍ക്ക് സഭ അത് അനുവദിക്കണമെന്ന അഭിപ്രായത്തോട് വിയോചിച്ചവര്‍ക്ക് വേണ്ടി ബൈബിളില്‍ നിന്നുതന്നെയുള്ള ചില ഭാഗങ്ങള്‍ ഞാന്‍ ഇവിടെ ചേര്‍ക്കുന്നു

വിശുദ്ഥ പൌലോസ് സ്ലീഹാ തിമോത്തിയോസിനു എഴുതിയ ഒന്നാം ലേഖനം

3. മെത്രാന്‍ സ്ഥാനത്തെപ്പറ്റി.
മെത്രാന്‍ സ്ഥാനം അഗ്രഹിക്കുന്നവര്‍ ഉല്‍ക്രുഷ്ടമായ ഒരു ജോലിയാണു ആഗ്രഹിക്കുന്നത് എന്നത് സത്യമാണ്. മെത്രാന്‍ അരോപണങ്ങള്‍ക്കതീതനും ഏകഭാര്യയുടെ ഭര്‍ത്താവും സംയമിയും വിവേകിയും അച്ചടക്കമുള്ളവനും അതിഥിസത്കാരപ്രിയനും യോഗ്യനായ പ്രബോധകനുമായിരിക്കണം. അവന്‍ മദ്യാസക്തനോ അക്രമവാസനയുള്ളവനോ ആയിരിക്കരുത്. സൌമ്യശീലനും കലഹിക്കാത്തവനും അത്യാഗ്രഹമില്ലാത്തവനുമായിരിക്കണം അവന്‍ തന്റെ കുടുമ്പത്തെ ശരിയായി നിയന്ത്രിക്കുന്നവനും സന്താനങ്ങളെ അനുസരനത്തിലും വിനയത്തിലും വളര്‍ത്തുന്നവനുമായിരിക്കണം. സ്വന്തം കുടുമ്പത്തെ ഭരിക്കന്‍ അറിഞ്ഞുകൂടാത്തവന്‍ ദൈവത്തിന്റെ സഭയെ എങ്ങിനെ ഭരിക്കും?

ഇനി നിങ്ങള്‍ തന്നെ പറയുക. ബൈബിളാണൊ പിന്തുടരേണ്ടത്, അതോ കാനോന്‍ നിയമങ്ങളോ? വൈദികര്‍ വിവാഹം കഴിക്കരുത് എന്നുപറയുന്നവരോട് എനിക്കൊന്നേ പറയനുള്ളൂ. നിങ്ങള്‍ക്കസൂയയാണ്. ഒരുതരം പൊസ്സസ്സീവ്നസ്സ്.

കോടാലിയും കുഞ്ഞാടുകളും

2008-12-04T09:55:00.000-08:00

പ്രിയമുള്ളവരേ, അഭയക്കേസ്സിന്റെ അന്തിമ വിധി വരാനിരിക്കുന്നതേയുള്ളൂ. പ്രതികള്‍ കുറ്റക്കാരാണെന്നു ഇനിയും സ്ഥിരീകരിക്കേണ്ടതുണ്ട്. എങ്കിലും വിചാരണവേളയില്‍ പുറത്തുവന്നുകൊണ്ടിരിക്കുന്ന വാര്‍ത്തകള്‍ ശുഭോതര്‍ക്കങ്ങളല്ല. എന്നുമാത്രമല്ല, മനുഷ്യമനസ്സാക്ഷിയെ ഞെട്ടിക്കുന്നതുമാണ്. കേട്ടതെല്ലാം സത്യമാണെങ്കില്‍ (അങ്ങിനെയാവാതിരിക്കട്ടെയെന്നു അത്മാര്‍ഥമായി ആശിക്കുന്നു) ഗ്രഹാം സ്റ്റെയിന്‍സിനേയും കുടുമ്പത്തേയും കത്തിച്ചുകൊന്ന ധാരാസിങും,ഒറീസ്സയിലെ ആര്‍.എസ്സ്.എസ്സ് കാപാലികരും എന്തിന്, ബിന്‍ലാദന്‍ പോലും ഇവരേക്കാള്‍ എത്രയോ ഭേദം. കാരണം അവര്‍ക്കതിന്‍ അവരുടേതായ വിശ്വാസത്തിന്റെ അല്ലെങ്കില്‍, അന്ധവിശ്വാസത്തിന്റെ പിന്ബലമുണ്ടായിരുന്നു. അവര്‍ വകവരുത്തിയത് അവരുടെ വിശ്വാസ എതിരാളികളെയായിരുന്നു. ഉദ്ദേശ്യം വെറും ശത്രുനിഗ്രഹം മാത്രം. എന്തിന്, ക്രിസ്തുവിനെ ഒറ്റിക്കൊടുത്ത യൂദാസ്, ചെയ്ത തെറ്റിനെയോര്‍ത്ത് പശ്ചാത്തപിക്കുകയും മനസ്സാക്ഷിക്കുത്ത് മാറാതെ തൂങ്ങി മരിച്ചതായും ബൈബിളില്‍ പറയുന്നുണ്ട്. കഴിഞ്ഞ 16 വര്‍ഷക്കാലം ചെകുത്താനേയും ഹ്രുദയത്തില്‍ സൂക്ഷിച്ചുകൊണ്ട് ഇവര്‍ ദൈവത്തിന്റെ പ്രതിപുരുഷന്‍മാരായി വിലസുകയല്ലായിരുന്നോ. വര്‍ഷങ്ങള്‍ നീണ്ട പ്രാര്‍ത്ഥനയുടെയും പരിത്യാഗത്തിന്റെയും, പഠനത്തിന്റെയും ഒടുവില്‍ പൌരോഹിത്യം സ്വീകരിച്ച് ദൈവത്തെ അടുത്തറിഞ്ഞ, നന്മയേയും തിന്മയേയും തിരിച്ചറിഞ്ഞ ഇവര്‍ക്ക് സ്വന്തം സഹോദരിയെ പോര്‍ക്കിനെ കൊല്ലുന്നതുപോലെ കോടാലിക്ക് അടിച്ചുകൊല്ലാനുള്ള മനക്കട്ടിയുണ്ടായെങ്കില്‍, ഇക്കഴിഞ്ഞ 16 വര്‍ഷങ്ങള്‍ തെറ്റുമറക്കാന്‍ വീണ്ടും വീണ്ടും തെറ്റുകള്‍ ചെയ്യുകയും സഭയുടെ തണലില്‍ രക്ഷപ്പെട്ടു നടക്കുകയും ചെയ്തപ്പോള്‍, ഒരു സാധാരണക്കാരായ ഞങ്ങള്‍ ചോദിച്ചുപോവുകയാണ്, ദൈവമേ...അങ്ങ് ഉറങ്ങുകയാണോ? ഇവര്‍, അങ്ങേ സങ്കേതത്തില്‍ അഭയം തേടിയ, അങ്ങയുടെ മകളുടെ തലക്കുവച്ച കോടാലി, മനുഷ്യന്റെ ഉത്പത്തിമുതല്‍ ഞങ്ങള്‍ വിശ്വസിച്ചുപോന്ന വിശാസപ്രമാണങ്ങളുടെ കടക്കലല്ലേ കൊണ്ടത്? ആ വിശ്വാസത്തിന്റെ തായ് വേരറുത്ത്, ലോകം മുഴുവന്‍ വഴിയും, സത്യവും,ജീവനും,തണലുമായി നില്‍ക്കുന്ന അങ്ങയെത്തന്നെയല്ലേ അവര്‍ പയസ് ടെന്‍ത് കോണ്‍വെന്റിലെ കിണറ്റില്‍ മുക്കികൊന്നത്? അന്നു രാവിലെ കൊലപാതകവും കഴിഞ്ഞ് ചോരയും ലൈംങ്കിക സ്രവങ്ങളും പുരണ്ട കൈകൊണ്ടുതന്നെയല്ലേ അവര്‍ വിശുത്ഥകുര്‍ബാന അര്‍പ്പിച്ചതും,പരിശുത്ഥമായ അങ്ങയുടെ തിരുശരീരം ഞങ്ങള്‍ക്ക് പങ്കുവച്ചുതന്നതും? ഇതെല്ലാം കാണുമ്പോഴും കേള്‍ക്കുമ്പോഴും അല്‍പവിശ്വാസികളായ ഞങ്ങള്‍ എന്താണുകരുതേണ്ടത്? അതോ ഇതെല്ലാം അങ്ങയുടെ പ്ലാനിലും പദ്ധതിയിലും ഉള്ളതായിരുന്നോ? ഇവര്‍ തെറ്റുചെയ്തിട്ടില്ലെങ്കില്‍ ഇവരെ രക്ഷിക്കാന്‍ അങ്ങേക്കു കഴിയുമെന്നിരിക്കെ, സത്യം തെളിയിക്കാന്‍ ബാധ്യസ്തരായവര്‍ തന്നെ ഇവരെ രക്ഷിക്കാന്‍ മുറവിളികൂട്ടുകയും, ജാഗ്രതാസമിതികള്‍ ഉണ്ടാക്കുകയും, ഇടയലേഖനങ്ങള്‍ ഇറക്കുകയും, പ്രാര്‍ത്ഥിക്കാന്‍ ആഹ്വാനം ചെയ്യുകയും ചെയ്യുമ്പോള്‍ ഒരു സംശയം ബാക്കി നില്‍ക്കുന്നു. ഞങ്ങള്‍ ആരോടാണ് പ്രാര്‍ത്ഥിക്കേണ്ടത്? സാത്താന്റെ സന്തതികളെ രക്ഷിക്കാന്‍ ദൈവത്തോടോ അതോ ....എനിക്കറിയില്ല..നിങ്ങള്‍ തന്നെ പറ….

ഡോഗ്സ് ഓണ്‍ ക്ണ്ട്രി

2008-12-02T10:28:00.000-08:00

മകന്റെ വേര്‍പാടില്‍ ഒരു പ്രത്യേക മാനസീകാവസ്ഥയിലായിരുന്ന മേജര്‍ സന്ദീപിന്റെ ആച്ഛന്‍ നമ്മുടെ ജന"നായ"കനെ വീട്ടില്‍ കയറ്റിയില്ലായെന്നും അതുകൊണ്ട് മാനസീകനില തെറ്റിയ നമ്മുടെ "നായ"കന്റെ പട്ടി പ്രയോഗവും, രണ്ടും വിട്ടുകളയ്. നമുക്ക് ക്ഷമിക്കാം. പറഞ്ഞ പരാമര്‍ശം പിന്‍വലിക്കില്ലായെന്നുള്ള അദ്ദേഹത്തിന്റെ ആ പിടിവാശിയാണു മനസ്സിലാകാത്തതു. അല്ലാ, അതിലെന്താണിത്ര മനസ്സിലാകാനുള്ളത്? മാറ്റം എന്ന വാക്കിനെ ഏറ്റവും കൂടുതല്‍ വെറുക്കുന്ന, ഏതിനേയും പ്രത്യയശാസ്ത്രപരമായി മാത്രം നോക്കികാണുന്ന അദ്ദേഹം പറഞ്ഞ വാക്ക് മാറ്റരുത്. അതുതന്നെയല്ലേ അദ്ദേഹതിന്റെ വ്യക്തിത്വവും. പൊതുജനമധ്യത്തില്‍ പലതും വച്ചുകാച്ചുകയും പാര്‍ടി യോഗങ്ങളില്‍ പല്ലുപോയ പട്ടിയേപ്പോലെ വാലും കാലിനിടയില്‍ തിരുകിയിരിക്കുന്ന മാമന്റെ ദയനീയ ചിത്രം മാധ്യമങ്ങളിലെ ഒരു സ്ഥിരം കാഴച്ചയാണല്ലോ. കുറച്ചുകഴിയുമ്പോള്‍ അതു ചരിത്രപരമായ ഒരു മണ്ടത്തരമെന്നോ,തെറ്റെന്നോ പറഞാല്‍ കാര്യം തീര്‍ന്നില്ലേ? പട്ടികളുടെ ആത്മാഭിമാനത്തെ മുറിവേല്‍പ്പിക്കുന്ന ഈ പരാമര്‍ശത്തിനെതിരേ ഏതെങ്കിലും മ്രുഗസംരക്ഷണസംഘടനകള്‍ ഒരുപൊതു താത്പര്യ ഹര്‍ജി കൊടുക്കേണ്ടതാണു. ബൌ..ബൌ...

കലയുടെ മാമാങ്കത്തിന് തിരശ്ശീല വീണു.

2008-11-29T08:46:00.000-08:00

മികച്ച സംഘടനാ പാടവം കൊണ്ടും ജനോപകാരപ്രദങ്ങളായ കര്‍മ്മ പദ്ധതികള്‍ കൊണ്ടും അംഗബലത്തിലും ജനപ്രീതിയിലും യൂ.കെ.യിലെ ഏറ്റവും വലിയ മലയാളി സംഘടനയെന്ന ഖ്യാതി നിലനിര്‍ത്തിക്കൊണ്ട് ലിവര്‍പൂള്‍ മലയാളി കള്‍ച്ചറല്‍ അസ്സോസിയേഷന്‍ (ലിംക) സംഘടിപ്പിച്ച മൂന്നാമത് ചില്‍ഡ്രന്‍സ് ഫെസ്റ്റ് മത്സരാര്‍ത്ഥികള്‍ക്കും കാണികള്‍ക്കും ഒരവിസ്മരണീയാനുഭവമായിമാറി. 160ല്‍പ്പരം വരുന്ന പ്രതിഭകളാണു ഒരു പകല്‍ മുഴുവന്‍ നീണ്ടുനിന്ന ഈ കലാ മാമാംങ്കത്തിനു മാറ്റുരക്കാനെത്തിയത്. ന്രുത്തസംഗീതാതികലകളിലെ മത്സരാര്‍ത്ഥികളുടെ മികവും കഴിവും കാണികളെ അക്ഷരാര്‍ത്ഥത്തില്‍ അത്ഭുതപരതന്ത്രരാക്കിയപ്പോള്‍ വിജയികളെ നിര്‍ണയിക്കാന്‍ വിധികര്‍ത്താക്കള്‍ക്ക് ഏറെ ക്ലേശിക്കേണ്ടിവന്നു.

വ്യക്തിഗത ഇനങ്ങളില്‍ ഏറ്റവും കൂടുതല്‍ പോയിന്റ് നേടി MEJO OOMMEN ഉം JOSNA JOSE ഉം യഥാക്രമം കലാപ്രതിഭാപട്ടവും കലാതിലകപട്ടവും കരസ്ഥമാക്കി. ലിവര്‍പൂളിന്റെ ഭാവിഭാഗധേയത്തില്‍ നിര്‍ണായക പങ്കുവഹിക്കേണ്ട ഈ കുരുന്നുകള്‍ കൈനിറയെ സമ്മാനങ്ങളുമായി മടങ്ങിയപ്പോള്‍
ഈ മഹത്തായ സംരംഭത്തിനു ചുക്കാന്‍പിടിച്ച ലിംകയുടെ ഭാരവാഹികള്‍ക്ക് ബ്രോഡ്ഗ്രീന്‍ ഹാളിലെ തിങ്ങിനിറഞ്ഞ സദസ്സ് ഹ്രുദയത്തിന്റെ ഭാഷയില്‍ ഒരായിരം നന്ദിപറഞ്ഞു.
ചിത്രങ്ങള്‍ :- CLICK ON PHOTO GALLERY

തീവ്രവാദവും രാഷ്ട്രീയ പാര്‍ട്ടികളും

2008-11-27T14:27:00.000-08:00

ഇന്നു ലോകത്തില്‍ ഏറ്റവുംകൂടുതല്‍ ചര്‍ച്ചചെയ്യപ്പെടുന്ന ഒന്നാണു മതതീവ്രവാദം.എന്നാല്‍ ഈ തീവ്രവാദം ഇത്രമേല്‍ ശക്തിപ്പെടാന്‍ എന്താണു കാരണം? ഇതിന്റെ വേരുകള്‍ തേടിച്ചെന്നാല്‍ അതു ചെന്നെത്തുക രാഷ്ട്രീയത്തിലായിരിക്കും. ഇന്‍ഡ്യയുടെ കാര്യം തന്നെയെടുക്കുക. രാഷ്ട്രീയ ലക്ഷിയങ്ങള്‍ക്കുവേണ്ടി അഘണ്ടഭാരതത്തെ വെട്ടിമുറിച്ചു. അവിടന്നിങ്ങോട്ട് മതതീവ്രവാദവും രഷ്ട്രീയ തീവ്രവാദവും ഒരേപോലെ തഴച്ചു വളര്‍ന്നു. പക്ഷേ ഈ രഷ്ട്രീയ തീവ്രവാദത്തെ നാം കണ്ടിട്ടും കണിടില്ലെന്നു നടിക്കുന്നു.ഈ മതതീവ്രവാദികളെയെല്ലാം ഊട്ടിവളര്‍ത്തുന്നത് ഈ രഷ്ട്രീയപാര്‍ട്ടികള്‍ തന്നെയല്ലേ?.ഈ മതതീവ്രവാദ സംഘടനകളെല്ലാം തന്നെ ഏതെങ്കിലും രാഷ്ട്രീയപാര്‍ട്ടികളുടെ പോഷകസംഘടനകള്‍ തന്നെയല്ലേ?.ആര്‍.എസ്സ്.എസ്സ്, എന്‍.ഡി.എഫ്.ത്ടങ്ങിയവ ഉദാ. ഇനി സ്വാതന്ത്ര്യാനന്തരം ഇന്‍ഡ്യയില്‍ മതതീവ്രവാദത്തില്‍ മരിച്ചവരേക്കള്‍ എത്രയൊ മടങ്ങ് അപരാധികളും നിരപരാധികളും രാഷ്ട്രീയ എതിരാളികളുടെ ബോംബേറിലും കത്തിമുനയിലും പൊലിഞ്ഞിരിക്കുന്നു. വേണ്ടതിനും വേണ്ടാത്തതിനും സമരവും ഹര്‍ത്താലും ബന്തും നടത്തി എത്രയോ കോടികളുടെ പൊതുമുതലും സ്വകാര്യമുതലും നശിപ്പിച്ചിരിക്കുന്നു. എത്രയോ പേരുടെ ഭാവി തുലച്ചിരിക്കുന്നു. ഉദാ:- രജനീ എസ്സ്.ആനന്ത് എന്ന തേ***ശ്ശി ആത്മഹത്യ ചെയ്തതിന്റെ പേരില്‍ ഡീ.വൈ.എഫ്.ഐ. എന്ന സംഘടന കാട്ടിക്കൂട്ടിയ അക്രമങ്ങള്‍ക്ക് കണക്കുണ്ടോ. അതുപോലെ എത്രയൊ അക്രമ സംഭവങ്ങള്‍ സ്വതത്ര ഇന്‍ഡ്യയില്‍, സാക്ഷരകേരളത്തില്‍ നിത്യേന നടക്കുന്നു. കണ്ണൂര്‍ എന്ന ഒരിട്ടാവട്ടത്തുമാത്രം രഷ്ട്രീയതീവ്രവാദികളാല്‍ കൊല്ലാപ്പെട്ടവരെത്ര? എന്നാല്‍ ഇതിനോടെല്ലാമുള്ള നമ്മുടെ ഭരണകൂടത്തിന്‍റ്റെയും നാമോരോരുത്തരുടേയും സമീപനം കാണുമ്പോള്‍ ഇതെല്ലം ചെയ്യാന്‍ അവര്‍ക്ക് ഭരണഘടനാപരമായി അവകാശമുണ്ട് എന്നുവരെ സംശയിച്ചുപോയാല്‍ അധികപ്പറ്റാവില്ല. ഇല്ലെങ്കില്‍ത്തന്നെ നാംതന്നെ അതിനുള്ള അവകാശം അവര്‍ക്ക് കനിഞ്ഞുനല്‍കിയിട്ടുണ്ടല്ലോ. എത്രയോ തവണ തൂക്കിലേറ്റേണ്ട എത്രയോ രാഷ്റ്റ്രീയനേതാക്കള്‍ നമുക്കുണ്ട്. കേന്ദ്ര-സംസ്ഥാനമന്ദ്രിമാരില്‍ എത്രപേര്‍ ക്രിമിനല്‍ കേസ്സുകളില്‍ ഉള്‍പ്പെടാത്തവരായിട്ടുണ്ട്. വേണ്ടിവന്നാല്‍ പോലീസ് സ്റ്റേഷനിലും ബോംബുണ്ടാക്കുമെന്നും പോലീസിന്റെ ലാത്തി പിടിച്ചുവാങ്ങി അവരുടെ ആസനത്തിലൂടെ കയറ്റുമെന്നും പൊതുവേദികളില്‍ പ്രസംഗിച്ചവനെ പിടിച്ച് ആഭ്യന്തരവകുപ്പേല്‍പ്പിച്ചതില്‍ നമുക്കും പങ്കില്ലേ. ഇവരൊക്കെ നമ്മെ നയിക്കന്‍ യോഗ്യരാണോ? ആണു എന്നുതന്നെയാണു എന്റെ അഭിപ്രായം. കാരണം ബഹുഭൂരിപക്ഷം വരുന്ന ഇന്ത്യാക്കാരും ഇവരുടെ നേര്‍ പ്രതീകങ്ങള്‍ തന്നെയാണ്. ഒരവസരം കിട്ടിയാല്‍ സൂചി കടത്തേണ്ടിടത്ത് നാം തൂമ്പ കടത്തും. പുരക്ക് തീവച്ച് നാം കഴുക്കോലൂരും. അതുതന്നെയല്ലേ ഇപ്പോള്‍ നടക്കുന്നതും. രാജ്യം ഒരു പ്രതിസന്ധിയിലൂടെ കടന്നുപോകുമ്പോള്‍ ഒറ്റക്കെട്ടായി അതിനെ നേരിടുന്നതിനുപകരം ഇന്റലിജന്‍സിന്റെ പിഴവ്,ആഭ്യന്ത്ര മന്ത്രിയുടെ കഴിവില്ലായ്മ എന്നൊക്കെപ്പറഞ്ഞ് രാഷ്ട്രീയ മുതലെടുപ്പു നടത്തുന്നവര്‍ക്ക് ഇതൊക്കെ ഒരു ആഘോഷമല്ലേ?. മറിച്ച് ഈ ലണ്ടനിലും അമേരിക്കയിലുമെല്ലാം സ്ഫോടനം നടന്നപ്പോള്‍ ഭരണപക്ഷവും പ്രതിപക്ഷവും പൊതുജനങ്ങളും മാധ്യമങ്ങളും എല്ലാം അതിനെ നേരിടാന്‍ ഒറ്റക്കെട്ടായി നിന്നത് നമുക്കറിയാം. മനുഷ്യന്റെ മനസ്സ് വായിക്കാനുള്ള ഒരു സംവിധാനം കണ്ടെത്തുന്നതുവരെ ഈ ലോകത്തൊരു ഇന്റലിജന്സ് വിഭാഗത്തിനും എല്ലാക്കാര്യവും മുന്‍കൂട്ടി കണാനോ തടയാനോ പറ്റില്ല. നിന്റെ വീട് കത്തിക്കണമെന്നു ഞാന്‍ തീരുമാനിച്ചാല്‍ അത് നീ അറിഞ്ഞാല്‍ പോലും എത്ര ദിവസം ഉറക്കമിളച്ചിരുന്നത് തടയാന്‍ നിനക്കു പറ്റും. പക്ഷേ എനിക്കോ?. എന്നെങ്കിലുമൊരുദിവസം രാത്രിയുടെ ഏതോ ഒരുയാമത്തില്‍ കടന്നുവന്ന് 10 മിനിറ്റുകൊണ്ടത് സാധിച്ചു വരാം. പക്ഷേ, നിന്റെ അയല്‍ക്കാര്‍ നിനക്കൊപ്പം ഉണ്ടെങ്കില്‍ അവരെയെല്ലാം കണ്ണുവെട്ടിച്ച് കാര്യം നടത്താന്‍ എനിക്കുകഴിഞ്ഞെന്നുവരില്ല. അതിന്, നിന്റെ വീട് കത്തിയിട്ട് കഴുക്കോലൂരാന്‍ കാത്തിരിക്കുന്നവരുള്ളപ്പോള്‍ മകനേ മ്രുഷ്ടാന്നവും കഴിച്ച് നിദ്രാ ദേവിയേയും തൊഴുത് കിടന്നുറങ്ങൂ. നാളത്തെ പ്രഭാതം കാണാന്‍ പറ്റിയാല്‍ എഴുന്നേല്‍ക്കുമ്പോള്‍ ദൈവത്തിനു നന്ദി പറയുക. ഗുഡ് നൈറ്റ്.

വിലക്കപ്പെട്ട കനിയും സഭയും

2008-11-24T05:29:00.000-08:00

1. സഭാവസ്ത്രം സ്വീകരിക്കുന്നവരില്‍ ഒരു വിഭാഗം മാനസീകരോഗികളാകുന്നു
2. അഭയാ കേസ്സുമായി ബന്ധപ്പെട്ട ഒരു വൈദികന്റെ മുറിയില്‍ നിന്നും അശ്ലീലപുസ്തകങ്ങളും സീ.ഡി.കളും കണ്ടെടുത്തു.

ഇക്കഴിഞ ദിവസങ്ങളി്‌ല്‍ മാധ്യമങ്ങളില്‍ വന്ന വാര്‍ത്തകളാണിവ.
ഇവ രണ്ടും തമ്മില്‍ ബന്ധമുണ്ടോ? ഉണ്ടെന്നാണു എന്റെ വിശ്വാസം. മനുഷ്യന്റെ ജൈവശാസ്ത്രപരമായ ആവശ്യങ്ങളെ അടിച്ചമര്‍ത്തപ്പെടുമ്പോള്‍ ഉണ്ടാകുന്ന ബൈ-പ്രൊഡക്ടുകളില്‍ ഒന്നല്ലേ ഈ മാനസീക രോഗം. കോപം, വൈരാഗ്യം,പുഛം തുടങ്ങി വേറേയുമുണ്ട് ഉപോല്‍പ്പന്നങ്ങള്‍. എന്നുകരുതി മാനസീക രോഗത്തിനു കാരണം ഇതു മാത്രമാണെന്നു വിവക്ഷയില്ല. ഒരു അണക്കെട്ടില്‍ വെള്ളം നിറഞ്ഞാല്‍ എന്തു ചെയ്യും. ഒന്നുകില്‍ മെയിന്‍ ഷട്ടര്‍ തുറന്നിടുക. അല്ലെങ്കില്‍ സ്ലൂയീസ് വാല്‍വ് തുറക്കുക. അങ്ങിനെ അണക്കെട്ടിനെയും നദിയേയും സംരക്ഷിക്കാം. ഇല്ലെങ്കില്‍ വെള്ളം നിറഞ്ഞ് അണക്കെട്ട് പൊട്ടും. അല്ലെങ്കില്‍ നിറഞ്ഞ് കവിഞ്ഞൊഴുകി ഇരുകരകളേയും നശിപ്പിക്കും.

വൈദീകര്‍ക്കും സന്യാസിനീകള്‍ക്കും ദാമ്പത്യ ജീവിതം പാടില്ലെന്നു ക്രിസ്തു പറഞ്ഞതായി വേദപുസ്ത്തകത്തില്‍ ഒരിടത്തും ഞാന്‍ വായിച്ചിട്ടില്ല. മറിച്ച് നിങ്ങള്ക്കു ആകാശത്തിലെ നക്ഷ്ത്രങ്ങള്‍ പോലെയും, ഭൂമിയിലെ മണല്‍ത്തരി പോലെയും സന്താനങ്ങള്‍ ഉണ്ടാകട്ടെ എന്നു പറഞ്ഞിട്ടുണ്ടുതാനും. സഭയിലെതന്നെ ചില ഉപവിഭാഗങ്ങളില്‍ വൈദീകര്‍ക്ക് ദാമ്പത്യജീവിതം അനുവദനീയമണു. ദമ്പത്യജീവിതവും ദൈവീകവേലയും അവര്‍ ഒരുമിച്ചുകൊണ്ടുപോകുന്നു. അതുകൊണ്ടു സഭ വളരാതിരിക്കുകയോ, അവിടെ ദൈവത്തിനു പ്രസക്തി ഇല്ലാതാവുകയൊ കുറയുകയോ ചെയ്യുന്നില്ല. ലോകത്തില്‍ ആകെ രണ്ടു മനുഷ്യര്‍ മാത്രമുണ്ടായിരുന്നപ്പോഴും (ആദവും ഹവ്വയും) വിലക്കപ്പെട്ട കനി ഭക്ഷിക്കാന്‍ അവര്‍ ആഗ്രഹിച്ചതായും അവര്‍ അതു ഭക്ഷിച്ചതായും നമുക്കു ബൈബിളില്‍ കാണാം. പിന്നെ എന്തിനു ദൈവം വിലക്കാത്ത ഈ കനി ഇവര്‍ക്ക് വിലക്കിയിരിക്കുന്നു?. ഇതു കഴിക്കാനും ത്യജിക്കാനും ഉള്ള അവകാശം അവര്‍ക്കുമാത്രമായി കൊടുത്തുകൂടേ?. എട്ടുംപൊട്ടും തിരിയാത്ത പ്രായത്തില്‍ സന്യാസീസന്യാസിനികളാകുന്ന ഇവര്‍ ശിഷ്ടകാലം മുഴുവനും മാനസീക പിരിമുറുക്കത്തില്‍ കഴിയാനിടവരുകയും ഇവരില്‍ ചിലരെങ്കിലും മാനസീക രോഗികളാകുകയും ചെയ്യുന്നുണ്ടെങ്കില്‍ സഭതന്നെയല്ലേ ഇതിനെല്ലം കാരണക്കാര്‍?.

ഇനി ഇത്തരത്തിലുള്ള മാനസീക രോഗികള്‍ സഭയില്‍ മാത്രമാണോ ഉള്ളതു?. നമുക്കു ചുറ്റിലും ഇത്തരക്കാരെ കാണാം. പങ്കാളിയില്‍ നിന്നും കിട്ടേണ്ടതു കിട്ടാതെ വരുമ്പോള്‍ അതു നല്‍കാന്‍ കഴിവുള്ളവരെ തേടിപ്പോകുന്നവരുണ്ടു. മറ്റൊരുവിഭാഗം മഞ്ഞ പുസ്തകങ്ങള്‍ വായിച്ചും സീ ഡി. കള്‍ കണ്ടും അതിലൊരാളായി സ്വയം മാറി ഒരു സാങ്കല്‍പിക ലോകത്തിലെത്തപ്പെട്ട് സ്വയം സംത്രുപ്തിയടയുന്നു. അങ്ങിനെ വികാരനദിയിലെ അണക്കെട്ടിന്റെ സ്ലൂയിസ് വാല്‍വുകള്‍ തുറന്നു അണക്കെട്ടിനേയും ന്ദിയേയും രക്ഷിക്കുന്നു. ഇതിനൊന്നും ശ്രമിക്കാതെ ഇതെല്ലം തന്റെ വിധിയെന്നു കരുതി ഭക്തി മാര്‍ഗ്ഗത്തിലും മറ്റു സമൂഹിക സംസ്കാരിക മണ്ടലങ്ങളിലും തങ്ങള്‍ക്കുള്ളതും ഇല്ലാത്തതുമായ കഴിവുകള്‍ പ്രദര്‍ശിപ്പിക്കാനും, ആധിപത്യം സ്ഥാപിക്കാനും ശ്രമിക്കും അതിനുമുന്‍പേ അവര്‍ കഴിവുകെട്ട പങ്കാളിയുടെമേലും കുടുംമ്പത്തിലും ആധിപത്യം സ്ഥാപിച്ചിരിക്കും. ചിലര്‍ക്കാകട്ടെ എല്ലാത്തിനോടും ഒരുതരം വിരക്തിയായിരിക്കും അവര്‍ സ്വയം ഉള്‍വലിഞ്ഞവരായി കാണും. ഇതെല്ലം മാനസീക രോഗത്തിന്റെ വിവിധ തലങ്ങളാണെന്നു മാത്രം. ഇത്തരക്കാരായ കുറച്ചു സ്ത്രീകളെയെങ്കിലും നിങ്ങള്‍ക്കറിയാമായിരിക്കും.

ഈ വൈദീകരും പഞ്ചഭൂതങ്ങള്‍ കൊണ്ടു സ്റുഷ്ടിക്കപ്പെട്ട വിചാരവും വികാരവും ഒക്കെയുള്ള സാധാരണ മനുഷ്യര്‍ തന്നെയല്ലേ?. ചുരുക്കിപ്പറഞ്ഞാല്‍ അവരും "വികാരി"കളല്ലേ?. അതുകൊണ്ടു അവര്‍ അണക്കെട്ടു പൊട്ടിപ്പോകാതിരിക്കന്‍ സ്ലൂയിസ് വാല്‍വുകള്‍ തുറക്കട്ടെ. അല്ലെങ്കില്‍ മെയിന്‍ ഷട്ടര്‍ തുറക്കാന്‍, അതായതു ദാമ്പത്യജീവിതം നയിക്കന്‍ സഭാനിയമങ്ങല്‍ പരിഷ്കരിക്കട്ടെ. ഇനിയും ഒരു അഭയ ഉണ്ടാകാതിരിക്കട്ടെ.വൈദീകര്‍ക്കും സന്യാസിനികള്‍ക്കും സെക്സ് നിഷേധിച്ച സഭ തന്നെയല്ലെ ഒരു പരിധിവരെ ഈ പാതകങ്ങള്‍ക്കെല്ലാം ഉത്തരവാദി?. പാപങ്ങള്‍ സ്റുഷ്ടിക്കുന്നതും പാപികളെ സ്റുഷ്ടിക്കുന്നതും അവര്‍ തന്നെ.
ആമ്മേന്‍.

അഭയകേസ്സും സാമൂഹിക വ്യവസ്ഥിതിയും

2008-11-19T03:58:00.000-08:00

ജീവനുള്ള ഒരു അഗ്നിപര്‍വ്വതം പോലെയാണു അഭയ കേസ്സ്. കഴിഞ 16 വര്‍ഷമായി അത് ഇടക്കിടക്ക് പൊട്ടി ഒഴുകുകയാണ്, കേരള സമൂഹത്തിന്റെ മനസാക്ഷിയിലൂടെ,അഗ്നിയും ഗന്ധ്കവും പടര്‍ത്തിക്കൊണ്ട്. എന്നേ അടഞുപോകേണ്ട ഒരു അദ്ധ്യായമായിരുന്നു അത്.
ഒരു വ്രുക്ഷത്തിന്റെ ഒരു കൊമ്പു ചീഞ്ഞുതുടങിയാല്‍ അത് ഉടനേ മുറിച്ചുമാറ്റണം. അപ്പോള്‍ അവിടെ പുതു നാമ്പ് കിളുര്‍ത്തുവരും. ചീഞഞതിനേക്കുറിച്ച് നം ദുഖിക്കുകയുമില്ല. ഇല്ലെങ്കില്‍ അത് പടര്‍ന്ന് ആ വ്രുക്ഷത്തെ മൊത്തം നശിപ്പിക്കും. അഭയകേസ്സിലും ഇതാണു സംഭവിച്ചത്. 16 വര്‍ഷം മുന്‍പുനടന്ന ഈ സംഭവത്തില്‍ അന്ന് പ്രതികള്‍ ശിക്ഷിക്കപ്പെട്ടിരുന്നുവെങ്കില്‍ ഇന്ന് ഈ കേസ്സിനെക്കുറിച്ച് ആരും ഓര്‍ക്കുകപോലും ഇല്ലായിരുന്നു. ഈ കേസ്സില്‍ ഇപ്പൊള്‍ അറസ്റ്റ് ചെയ്യപ്പെട്ടവര്‍ കുറ്റവാളികളാണെന്ന് നമുക്ക് പറയാന്‍ പറ്റില്ല. കോടതി ശിക്ഷിക്കുന്നതുവരെ ഒരു പ്രതിയും നിയമത്തിന്റെ മുന്‍പില്‍ കുറ്റവാളികളല്ല. തെളിവുകളുടെ അഭാവത്തില്‍ കോടതിയില്‍ ഇവര്‍ ശിക്ഷിക്കപ്പെടാതിരിക്കം. അതിനാണു സാധ്യതയും കൂടുതല്‍. പക്ഷേ, മലയാളികളുടെ മനസ്സില്‍ ഇവര്‍ എന്നേ കൊലപാതകികളായി സ്ഥാനം പിടിച്ചുകഴിഞ്ഞു. പ്രതികള്‍ രക്ഷപ്പെടുന്നതിനുവേണ്ടി ഈ കേസ്സില്‍ സ്വാധീനിച്ചവരും സ്വാധീനിക്കപ്പെട്ടവരും ആരെന്നുള്ളതല്ല, അങിനെ സ്വാധീനിക്കുവാനും, സ്വാധീനിക്കപ്പെടുവാനും ഉള്ള ഒരു സാമൂഹിക വ്യവസ്ഥയാണു നമുക്കുള്ളത് എന്നതാണു ഗുരുതരമായി കാണേണ്ടത്. ആ വ്യ്വസ്ഥയാണു മാറേണ്ടത്. സുപ്‌റീംകോടതി ജഡ്ജിമാരും കേന്ദ്രസംസ്ഥാന മന്ത്രിമാരും ഉന്നതോദ്യോഗസ്ഥവ്രുന്ദങളും എല്ലാം അഴിമതിയില്‍ കുളിച്ചു നില്‍ക്കുന്ന നമ്മുടെ രാജ്യത്ത് എന്ത് മാറ്റം വരാന്‍, ആരു മാറ്റം വരുത്താന്‍. നാളെ ഇന്ത്യ സമ്പത്തിന്റെ കാര്യത്തില്‍ ലോകരാജ്യങ്ങളില്‍ മുന്‍പില്‍ എത്തിയേക്കം. പക്ഷേ ഇതിന്റെ ഗുണം അനുഭവിക്കാന്‍ ഒരു 20% ത്തില്‍ താഴെ വരുന്ന കുറേ പ്രഭുക്കന്‍മാര്‍ക്കേ യോഗമുണ്ടാകൂ. കോരനുകഞ്ഞി എന്നും കുംബിളില്‍ത്തന്നെയായിരിക്കും.ഒന്നു ചീയുന്നത് ഒന്നിനുവളമാകും. സത്യവും ധര്‍മമവും നീതിയും ചീയുമ്പോള്‍ ധനവും ധനവാന്‍മാരും തഴച്ചുവളരും. പക്ഷേ സമാധാനം മഷിയിട്ടുനോക്കിയാലും കാണാന്‍ കിട്ടില്ല.

മാറ്റുവിന്‍ ചട്ടങ്ങളെ, ഇല്ലെങ്കില്‍ മാറ്റുമതു നിങ്ങളെത്താന്‍.

പീഠനം ഒരു തുടര്‍ക്കഥ

2008-11-18T15:56:00.000-08:00

കാമത്തില്‍ സ്നേഹം പൊതിഞ്ഞ് പിഞ്ചുകുട്ടികളെവരെ പീഠിപ്പിക്കുന്ന
അദ്ധ്യാപകരുടെ ഊഴമാണു ഇപ്പോള്‍ കേരളത്തില്‍. ദൈവത്തിന്‍ സ്വന്തം നാട്ടിലെ കഥ കേട്ട് നരകത്തിലിരുന്ന് പിശാചുക്കള്‍ ആര്‍ത്തുചിരിക്കുന്നുണ്ടാകും. പണ്ടില്ലാത്തവിധം ഈരോഗം നമ്മുടെ നാട്ടില്‍ പടര്‍ന്നുപിടിക്കുന്നത് എന്തുകൊണ്ട്? ഇതിനു എന്താണു ചികിത്സ?. ഈ രണ്ടുകാര്യങ്ങളിലും എത്രയും പെട്ടെന്നുതന്നെ ഉത്തരം കണ്ടെത്തേണ്ടിയിരിക്കുന്നു.

ഇതു വായിച്ചുകഴിയുമ്പോള്‍ ഒരു വിഭാഗം എന്റെ നേരേ സദാചാരത്തിന്റെ ഖ്ഡ്ഗങ്ങളുമായി അലറി വരും എന്നെനിക്കറിയാം. അവരോട് എനിക്കു ഒന്നേ പറയാനുള്ളൂ. രാജാവ് നഗ്നനായിരുന്നു എന്ന് ഭയമില്ലാതെ വിളിച്ചുകൂവിയ ആ കൊച്ചു കുട്ടിയായി എന്നെ കണ്ടുകൂടെ?

ഇനി ഞാന്‍ പറയാന്‍പോകുന്ന കാര്യങ്ങള്‍ എന്റെ മാത്രം അഭിപ്രായമാണ്. ആര്‍ക്കും യോചിക്കാം, വിയോചിക്കാം. വ്യഭിചാരം പാപമാണെന്ന് മതഗ്രന്ധങ്ങളും,കുറ്റകരമാണെന്നു കോടതികളും ആയിരക്കണക്കിനു വര്‍ഷം മുന്‍പുമുതല്‍ പഠിപ്പിക്കുന്നതും പറയുന്നതുമാണ്. എന്നിട്ടെന്തു ഫലമുണ്ടായി? പാപവും കുറ്റവും നാള്‍ക്കുനാള്‍ കൂടുന്നതല്ലാതെ വല്ല കുറവും ഉണ്ടായോ?. അപ്പോള്‍ ഒരു പുനര്‍വിചിന്തനത്തിനു സമയമായിരിക്കുന്നുവെന്നു സാരം. അതായത് ആട്ടിയ വഴിയേ പോയില്ലെങ്കില്‍ പോയ വഴിയേ ആട്ടുക. വായുവും, വെള്ളവും, ആഹാരവും എല്ലാം പോലെതന്നെ മനുഷ്യനു ഒഴിച്ചുകൂടാനവാത്തതാണു സെക്സ്. മനുഷ്യനു ആഹാരം കിട്ടാഞ്ഞാല്‍ എന്തുചെയ്യും. ആദ്യമൊക്കെ ഒന്നും സംഭവിക്കാത്തമട്ടില്‍ നടക്കും. കുറച്ചുനേരം പിടിച്ചു നില്‍ക്കും. പിന്നെ കയ്യില്‍ കാശുണ്ടെങ്കില്‍ കാശുകൊടുത്ത് കിട്ടുന്നിടത്തു നിന്ന് വാങ്ങി കഴിക്കും. അതോടെ ആ പ്രശ്നം തീര്‍ന്നു. ഇനി കാശില്ലെങ്കിലോ? ഒന്നുരണ്ടു ദിവസമൊക്കെ മാന്യമായി പട്ടിണി കിടക്കും സഹിക്കന്‍ പറ്റാതെ വരുമ്പോള്‍ പിന്നെ മാന്യതയൊക്കെ വെടിഞ്ഞ് ഒന്നുകില്‍ യാചിക്കും, അല്ലെങ്കില്‍ തട്ടിപ്പറിക്കും, അതുമല്ലെങ്കില്‍ മോഷ്ടിക്കും. ഒരു ചെറിയ ശതമാനം ഇതിനപവാദമായുണ്ട്.. അവര്‍ പട്ടിണി കിടന്ന് മരിക്കും. സെക്സിന്റെ കാര്യത്തിലും ഇതു തന്നെ. ഈ പീഠകരില്‍ പലരുടെയും വ്യക്തിജീവിതം എടുത്തു പരിശോധിച്ചാല്‍ , അവര്‍ക്ക് അപ്രാപ്യമായതോ, ലഭ്യമല്ലാത്തതോ, പല കാരണങ്ങളാല്‍ നിക്ഷേധിക്കാപ്പീട്ടതോ ആയ സെക്സിന്റെ പൂര്‍ത്തീകരണത്തിനായി അവര്‍ അത് തട്ടിപ്പറിക്കുന്നു, മോഷ്ടിക്കുന്നു. ഇരകള്‍ പലപ്പോഴും പ്രതികരിക്കാന്‍ കെല്‍പ്പില്ലാത്തവരും സാധുക്കളും ആയിരിക്കും എന്നതാണു ഇതിന്റെ ദുഖകരമായ ഒരു സത്യം.

എന്റെ 18 വര്‍ഷത്തെ ഔദ്യോഗിക ജീവിതത്തിനിടയില്‍ ഇത്തരത്തിലുള്ള
നിരവധി കേസ്സുകളില്‍ ഇടപെട്ടതില്‍ നിന്നും കിട്ടിയ അനുഭവത്തിന്റെ വെളിച്ചത്തിലാണു ഇതു പറയുന്നത്. അച്ഛന്‍ മകളേയും സഹോദരന്‍ സഹോദരിയേയും 16 കാരന്‍ 80 കാരിയേയും എന്തിന്, പക്ഷിമ്രുഗാദികളേയും വരെ പീഠിപ്പിച്ചവരെ എനിക്കറിയാം.

നാട്ടില്‍ കള്ളവാറ്റ് ഇപ്പോള്‍ പഴയ കാലത്തെ അപേക്ഷിച്ച് ഒരു 80% എങ്കിലും കുറഞ്ഞിട്ടുണ്ട്. കാരണം, മദ്യഷാപ്പുകള്‍ എവിടെ ചെന്നാലും കാണാം . ആവശ്യക്കാരനു കയ്യില്‍ കാശുണ്ടെങ്കില്‍ ഏതു ഷാപ്പിലും കയറി ധൈര്യമായി കുടിക്കാം. എല്ലായിടത്തും ഷാപ്പുണ്ടെന്നു കരുതി കുടിക്കാന്‍ ആരും നിര്‍ബന്ധിക്കുന്നില്ല, എല്ലാവരും കുടിക്കുന്നുമില്ല. അത് വ്യക്തികളുടെ ഇഷ്ടം.

അപ്പോള്‍ ഞാന്‍ പറഞ്ഞു വരുന്നത്, സെക്സ് വിലക്കു കൊടുക്കുന്നവര്‍ നമ്മുടെ നാട്ടില്‍ ധാരാളം. ആവശ്യക്കാര്‍ അതിലേറെ. കരിഞ്ചന്തയിലാണു കച്ചവടം എന്നതിനാല്‍ ശിക്ഷ ഭയന്നു പലരും വാങ്ങുന്നില്ല. വാങ്ങുന്നവര്‍ക്കും വില്‍ക്കുന്നവര്‍ക്കും നിയമ പരിരക്ഷ കിട്ടിയാല്‍ ഇന്നു നടക്കുന്ന പീഠനങ്ങളില്‍ പകുതിയും ഇല്ലാതാകും എന്നാണെന്റെ വിശാസം. ഇന്ത്യയില്‍ ഏറ്റവും കൂടുതല്‍ ബാല പീഠനം നടക്കുന്നതു കേരളത്തിലാണു. കാരണം, മറ്റേതു സ്റ്റേറ്റിലും ഈ തൊഴിലിനു നേരെ അധികാരികള്‍ ഒരു പരിധിവരെ കണ്ണടച്ചു നില്‍ക്കുന്നു എന്നതാണു സത്യം. ഈ കൊടുക്കല്‍ വാങ്ങലുകളില്‍ ഒരു തുറന്ന സമീപനം ഗവ. ഭാഗത്തുനിന്നുണ്ടായാല്‍ 6 വയസ്സുകാരിയെ 60 കാരന്‍ മിഠായി കൊടുത്തു വശീകരിക്കുന്ന അവസ്ഥയില്‍ കുറേ മാറ്റം വരും. ആയിരം അപരാധികള്‍ രക്ഷപെട്ടാലും നിരപരാധിയായ ഒരു കുഞ്ഞെങ്കിലും ശിക്ഷിക്കപ്പെടാതിരിക്കും.

കുറുപ്പു സാര്‍ പറഞ്ഞ കഥ

2008-11-15T02:31:00.000-08:00

കുറുപ്പു സാര്‍ പറഞ്ഞ കഥ

കുറുപ്പുസാറിനെ അറിയില്ലേ? ഹാ നമ്മുടെ ഹിന്ദിക്കുറുപ്പേ. മാണിക്കമംഗലം എന്‍ .എസ്.എസ്. ല്‍ ഹിന്ദി പഠിപ്പിച്ചിരുന്ന മാഷ്. കുറുപ്പുമാഷിന്റെ തലവെട്ടം കണ്ടല്‍ മതി കുട്ടികള്‍ പമ്പ കടക്കും. മുണ്ടിന്റെ കോന്തലയും ചൂരല്‍വടിയും കക്ഷത്തിനിടയില്‍ തിരുകിയുള്ള ആ വരവ് ഒരു ഒന്നൊന്നര വരവുവരും. വടി കയ്യിലുണ്ടെങ്കിലും മാഷ് ആരെയും തല്ലിയതായി ആരും കണ്ടിടുമില്ല, കേട്ടിട്ടുമില്ല. പക്ഷേ മാഷിന്റെ വായില്‍നിന്നു വരുന്നതുകേട്ടല്‍ തേച്ചാലും കുളിച്ചാലും പോകില്ല. മാഷിനു പഠിപ്പിക്കല്‍ കമ്മിയാണ്. ലാത്തിയടിയാണുകൂടുതല്‍. പടിപ്പിച്ചില്ലെങ്കിലും കുട്ടികള്‍ പഠിക്കണം എന്ന് മാഷിനു നിര്‍ബന്ധമാണ്. പഠിക്കാത്തവരോട് മാഷ് പറയുന്ന ഒരു കഥ ഞാന്‍ ഇവിടെ പറയാം.

ഒരിടത്തൊരിടത്തൊരമ്മാവനുണ്ടായിരുന്നു. എല്ലാവരെയും ദ്രോഹിക്കുകയെന്നത് അദ്ധേഹത്തിന്റെ ഒരു ഹോബിയായിരുന്നു. അയാള്‍ ഏറ്റവും കൂടുതല്‍ ദ്രോഹിച്ചിരുന്നത് സ്വന്തം മരുമക്കളെയായിരുന്നു. അതുകൊണ്ടുതന്നെ മരുമക്കള്‍ അമ്മാവന്റെ വീട്ടില്‍ പോകുകയൊ മിണ്ടുകയൊയില്ലായിരുന്നു. എങ്കിലും അമ്മാവന്‍ അവരെ ദ്രോഹിച്ചുകൊണ്ടേയിരുന്നു. അങിനെ കാലങള്‍ കടന്നുപോയി. കാലന്‍ അടുത്തുവന്നു. അമ്മാവന്‍ മരിക്കാറായി. മരണക്കിടക്കയില്‍ കിടക്കുന്ന അമ്മാവന്‍ ആളയ്ച്ച് മരുമക്കളെ വിളിപ്പിച്ചു. ചെയത ദ്രോഹത്തിനെല്ലാം അവരോട് മാപ്പുചോദിച്ചു. മനസ്സലിഞ്ഞ മരുമക്കള്‍ അമ്മാവനോട് ക്ഷമിച്ചു. എങ്കിലും അമ്മാവനു വിശ്വാസം വന്നില്ല. നിങള്‍ ക്ഷമിച്ചുവെങ്കില്‍ എനിക്ക് ഒരു ഉപകാരം ചെയ്യണം അതുചെയ്താലേ ഞാന്‍ ചെയ്ത പാപങള്‍ക്ക് പരിഹാരമാകൂ, മാത്രമല്ല നിങള്‍ ക്ഷമിച്ചു എന്ന വിശ്വാസത്തോടെ എനിക്കു മരിക്കുകയുംചെയ്യാം. ഞാന്‍ ഉടനേ മരിക്കും. മരിച്ചുകഴിയുബോള്‍ മറ്റാരും കാണാതെ എന്റെ ആസനത്തിലൂടെ ഒരു പാര അടിച്ചുകയറ്റണം .ഇതുകേട്ട് മരുമക്കള്‍ പരസ്പരം നോക്കി. അന്ത്യാഭിലാഷമല്ലേ എന്നുകരുതി അവര്‍ സമ്മതിച്ചു. കുറച്ചുകഴിഞ്ഞ് അമ്മാവന്‍ മരിച്ചു. പറഞ്ഞ പോലെ അവര്‍ അമ്മാവന്റെ ആസനത്തിലൂടെ ഒരു പാരക്കോല്‍ അടിച്ചുകയറ്റി. മരണവാര്‍ത്തയറിഞ്ഞ് ഓടിയെത്തിയവര്‍ കാഴ്ച്ചകണ്ട് ഞെട്ടി. മരുമക്കള്‍ അമ്മാവനെ ആസനത്തിലൂടെ പാരകയറ്റി കൊന്നിരിക്കുന്നു. ഒടുവില്‍ കേസ്സായി,മരുമക്കള്‍ ജെയിലിലുമായി. അമ്മാവന്റെ ഉദ്ധേശവും അതുതന്നെയായിരുന്നു.

അപ്പോള്‍ പറഞ്ഞുവരുന്നത്, ചത്താലും ചിലരിങനെയാണ്....സൂക്ഷിക്കുക... സ്വ.ലേ.

കണ്ടതും കേട്ടതും

2008-11-14T11:58:00.000-08:00

സജി ജോസ് അമേരിക്കയില്‍

അനിതരസാധാരണമായ ന്രുത്ത നൈപുണ്യവും സ്വതസിദ്‌ധമായ അഭിനയ വൈഭവവും വശ്യമനോഹരമായ അംഗലാവണ്യവുംകൊണ്ട് യു. കെ യില്‍മാത്രമല്ല, ലോകമെമ്ബാടും എണ്ണിയാലൊടുങാത്ത ആരാധകരുള്ള കുമാരി സജി ജോസ് അമീരിക്കയിലെത്തി. നിയുക്ത അമേരിക്കന്‍ പ്രസിഡ്ന്റ് ഒബാമക്കുവേണ്ടി ജോര്‍ജ്ജ് ബുഷ് ഒരുക്കിയ അത്താഴവിരുന്നില്‍ പങ്കെടുക്കാനാണ്‍ കുമാരി സജി അമേരിക്കയിലെത്തിയത്. താരത്തിന്റെ വരവു മണത്തറിഞ്ഞ് എയര്‍പോര്‍ട്ടില്‍ തടിച്ചുകൂടിയ പതിനായിരക്കന്ണക്കിനു ആരാധകരെ നിരാശരാക്കിക്കൊണ്ട് കറുത്ത കണ്ണടയും കഴുത്തില്‍ ഒരു ഷാളും ധരിച്ച് ആരെയും ശ്രദ് ധിക്കാതെ താരം കടന്നുപോയപ്പോള്‍ ആരാധകരുടെ മുഖത്ത് മ്ലാനത പടര്‍ന്നു. പാഴ്ക്കിനാവ്, കസ്തൂരി തുടങിയ താരത്തിന്റെ സൂപ്പര്‍ഹിറ്റുകള്‍ കാണാന്‍ കാത്തിരുന്ന ആരാധകര്‍ നിരാശരാകേണ്ടിവരുമെന്നാണ്‍ സൂചന.
എന്നാല്‍ എയര്‍പോര്‍ട്ടില്‍ നിന്നും താരം നേരെ പോയത് ഭര്‍ത്രുസഹോദരി പ്രസവിച്ചു കിടക്കുന്ന ആശുപത്രിയിലേക്കായിരുന്നുവെന്നും ക്രഡിറ്റ്ക്രന്ചും കടിഞ്ഞൂപ്പേറിന്റെ വേദനയും മൂലം ആകെ വിഷ്മിച്ചുകിടക്കുന്ന അവസ്തയില്‍ നാത്തൂന്‍ താരത്തിന്റെ വരവ് ഇടിവെട്ടുകൊണ്ടവനെ പാമ്പുകടിച്ചപോലെയായി. നാത്തൂന്‍പോര്‍ എന്തെന്നറിയാതെ വളര്‍ന്ന അവര്‍ക്കു ഇനി അതുംകൂടി സഹിക്കേണ്ടിവരുമല്ലോ എന്നോര്‍ത്തപ്പോള്‍ പ്രസവ വേദന ഒന്നുമല്ലാതായിയെന്നാണു ഞങളുടെ നൂയോര്‍ക്കു ലേഖകന്‍ ഭൂലോകമണ്ടന്‍ റിപ്പോര്‍ട്ടുചെയ്തത്. കുവെയ്റ്റ് എയര്‍വേയ്സിലെ സഹ പൈലറ്റും പരമസാധുവും ദാനശീലനും സര്‍വ്വോപരി സല്‍ഗുണസബന്നനും ക്ഷിപ്രകോപിയുമായ ഭര്‍ത്താവ് ശ്രീ.ജോസിനോടും രണ്ടു മക്കളോടുമൊപ്പം സസുഖം കഴിയവേയാണു്‌ അപ്രതീക്ഷിതമായ് പ്രസവം നടന്നതും അമേരിക്കക്കു പോകേണ്ടിവന്നതും. പത്തുവര്‍ഷത്തെ ദാബത്ത്യ ജീവിതത്തിനിടയില്‍ ശബ്ദമലിനീകരണമില്ലാതെ കഴിഞ്ഞ നാളുകള്‍ എന്നാണു ഭാര്യയുടെ അമേരിക്കന്‍ പര്യടനത്തേക്കുറിച്ച് ശ്രീ ജോസ് ഇവിടെ ഈ ലേഖ്കനനുവദിച്ച പ്രത്യേക അഭിമുഖ്ത്തില്‍ പറഞ്ഞത്. സ്വ.ലേ.

ഉണ്ടപക്രു അച്ഛനായി

2008-11-13T14:45:00.000-08:00

വീടുകളുടെ വിലയറിയണമോ?

2008-11-11T10:05:00.000-08:00

ഈ ലിങ്കില്‍ ഞെക്കൂhttp://www.your-move.co.uk/User/HousePrices/usrHPIndex.aspx

ബ്രാ യുവതിക്ക് രക്ഷയായി

2008-11-11T09:41:00.000-08:00

അടിവസ്ത്രം യുവതിയുടെ ജീവന്‍ രക്ഷിച്ചു! കവര്‍ച്ചാ ശ്രമത്തിനിടയില്‍ മുഖം മൂടി ധരിച്ച അക്രമി നെഞ്ചില്‍ കുത്തിയെങ്കിലും ധരിച്ചിരുന്ന ബ്രേസിയറിന്‍റെ അടിഭാഗത്തെ പ്രതലം കത്തി തുളച്ചിറങ്ങുന്നത് തടയുകയായിരുന്നു.വിക്കി പര്‍സണ്‍സ്(26) നിര്‍ത്തിയിട്ടിരുന്ന തന്‍റെ കാറില്‍ ഇരിക്കവെ ആണ് 14കാരനായ അക്രമി കത്തിയുമായി ആക്രമണം നടത്തിയത്. ആദ്യം സുഹൃത്തുക്കള്‍ തന്നെ ഭയപ്പെടുത്താന്‍ ചെയ്യുന്ന പണിയാണിതെന്ന് തെറ്റിദ്ധരിച്ചെങ്കിലും മുഖം മൂടി ധരിച്ച് ആക്രമണോത്സുകരായ രണ്ട് പേരെ കണ്ടപ്പോള്‍ സംഗതി ആപത്താണെന്ന് വിക്കിക്ക് മനസിലാക്കാനായി.അക്രമികളിലൊരാള്‍ കത്തി വിക്കിയുടെ മുഖത്തേക്ക് ചൂണ്ടി പണം ആ‍വശ്യപ്പെടുകയായിരുന്നു. തുടര്‍ന്ന് അക്രമിയുമായി പിടിവലി നടത്തിയ വിക്കിയുടെ കൈയ്യില്‍ മുറിവേല്‍ക്കുകയും കത്തി നെഞ്ചിലേക്ക് ആഴ്ത്തുകയുമായിരുന്നു. എന്നാല്‍, ധരിച്ചിരുന്ന ബ്രേസിയറിന്‍റെ അടിഭാഗം തുളച്ചിറങ്ങാന്‍ മുര്‍ച്ചയുളള കത്തിക്ക് കഴിയാത്തത് വിക്കിക്ക് രക്ഷയായി. സൂപ്പര്‍മാര്‍ക്കറ്റില്‍ നിന്ന് വാങ്ങിയ വിലകുറഞ്ഞ ബ്രേസിയറാണ് ധരിച്ചിരുന്നതെന്ന് വിക്കി പിന്നീട് വെളിപ്പെടുത്തി.ഏതായാലും അക്രമിയെ നാല് വര്‍ഷത്തേക്ക് ദുര്‍ഗുണപരിഹാര പാഠശാലയിലേക്ക് അയയ്ക്കുകയുണ്ടായി. മോഷണം, സ്ത്രീയെ അപകടപ്പെടുത്താനുളള ശ്രമം എന്നീ കുറ്റങ്ങളാണ് അക്രമിക്കെതിരെ ചുമത്തിയിട്ടുള്ളത്.

പാചകം-ബീനയും ജെസ്സിയും ബി.ബി.സി യില്‍

2008-11-11T06:48:00.000-08:00

പാചകം-ബീനയും ജെസ്സിയും ബി.ബി.സിയില്‍

തനി നാടന്‍ പാചകം . ഒന്നു നോക്കുന്നൊ?

http://www.bbc.co.uk/iplayer/episode/b00fm6nk/b00fm5sd/Indian_Food_Made_Easy_Series_2_Keralan_Cuisine/

മോഹന്‍ലാല്‍ ഷോ തട്ടിപ്പായിരുന്നോ?

2008-11-08T07:20:00.000-08:00

നിങള്‍ തന്നെ തീരുമാനിക്കൂ

ഈ വീഡിയോയില്‍ മോഹന്‍ ലാല്‍ ആളെ പിടിച്ച് തള്ളുമ്പോള്‍ റെക്കോഡ് ചെയ്ത പാട്ട് പാടിക്കൊണ്ടിരിക്കുന്നതു ശ്രദ്ധിക്കുകhttp://www.youtube.com/watch?v=R6wbWqTpSXM

ഓണം ഒരു പാഴ് സ്വപ്നം

2008-11-04T03:25:00.000-08:00